ពេលឃាត់ខ្លួនអនីតិជន (ជនមិនទាន់គ្រប់អាយុ) មន្រ្តីនគរបាលយុត្តិធម៌ត្រូវជូនដំណឹងដល់ ឪពុកម្តាយ អាណាព្យាបាល ឬអ្នកតំណាងច្បាប់លើអនីតិជននោះ។

គេអាចសុំពន្យារពេលនៃការឃាត់ខ្លួនក្នុងករណី មានតម្រុយបង្ហាញឱ្យឃើញថា បុគ្គលនោះមានពិរុទ្ធភាព។

ក្នុងករណីមានបទឧក្រិដ្ឋ ឬបទមជ្ឈឹមជាក់ស្តែងកើតឡើង មន្តី្រនគរបាលយុត្តិធម៌ត្រូវ៖ រាយការណ៍ភ្លាមជូនព្រះរាជអាជ្ញា ចុះទៅទីតាំងកើតហេតុដើម្បីពិនិត្យបទល្មើសជាក់ស្តែង ធានារក្សាតម្រុយភស្តុតាង ហាមឃាត់បុគ្គលពាក់ព័ន្ធកុំឱ្យចេញឆ្ងាយពីកន្លែងបទល្មើស ធ្វើកំណត់ហេតុពីការស្រាវជ្រាវនិងពិនិត្យរបស់ខ្លួន។

នគរបាលយុត្តិធម៌មានភារកិច្ច ធ្វើការត្រួតពិនិត្យបទឧក្រិដ្ឋ បទមជ្ឃិម និងបទលហុ កំណត់អត្តសញ្ញាណ និងចាប់ជនជាប់ចោទ ព្រមទាំងប្រមូលភស្តុតាង។

ក្នុងករណីដែលមានទំនាស់រវាងចៅក្រមស៊ើបសួរច្រើនរូប នៅសាលាដំបូងខុសៗគ្នា ហើយទទួលបានបណ្តឹងទាំងអស់គ្នា អំពីរឿងក្តីព្រហ្មទណ្ឌតែមួយដូចគ្នា គេដោះស្រាយដោយទំនាស់នេះត្រូវបានបញ្ជូនទៅ ប្រធានសភាស៊ើបសួរ ដើម្បីសម្រេច។ វិវាទសមត្ថកិច្ចដែនដី រវាងសភាស៊ើបសួរច្រើន ត្រូវសម្រេចដោយប្រធានតុលាការកំពូល ដោយការសម្រេចនេះបិទផ្លូវតវ៉ាRead more