ឧស្ម័នកាបូនម៉ូណូអុកស៊ីតជាឧស្ម័នពុលគ្មានពណ៌ គ្មានក្លិន ដែលមានក្នុងផ្សែងបារី។ កាបូនម៉ូណូអុកស៊ីតក៏ធ្វើឱ្យ អុកស៊ីសែនដែលមាននៅក្នុងឈាមជ្រាបចូលទៅក្នុងសាច់ដុំនិងសរីរាង្គផ្សេងៗដោយលំបាក។ ដូចនេះនៅពេលពួកគេជក់បារី បេះដូងរបស់ពួកគេខំធ្វើការយ៉ាងខ្លាំងតែបានផលតិចតួច។

• នីកូទីនសារធាតុពុលនិងញៀនខ្លាំងបំផុត។ ប្រសិនបើគេចាក់វាមួយដំណក់បញ្ចូលទៅក្នុ្ងងកណ្ដុរ នោះវានិងស្លាប់ភ្លាម។ នីកូទីន៧ដំណក់ អាចសម្លាប់សត្វគោ១ក្បាលបាន។ កាលណាយើងចុកថ្នាំឬស្រូបផ្សែងបារី នីកូទីននឹងជ្រាបចូលយ៉ាងរហ័ស ទៅក្នុងសរសៃឈាមនៃមាត់ ច្រមុះ ឬសួត។ បន្ទាប់មកវាចែកចាយទៅក្នុងសរីរាង្គទាំអស់នៅក្នុងសារពាង្គកាយ។ ដោយសារតែសារធាតុនេះ ទើបអ្នកជក់បារីញៀន ហើយមិនអាចបញ្ឈប់ការជក់បារីបានភ្លាមៗឡើយ។

ថ្នាំដែលចូលទៅក្នុងរាងកាយតាមវិធី៣បែប៖
• ទី១ ការលេបឱសថនោះ វានិងធ្លាក់ចូលទៅក្នុងក្រពះដូចជាអាហារដែរ។ ថ្នាំរលាយក្នុងក្រពះឬពោះវៀនតូច បន្ទាប់មកវាជ្រាបចូលទៅក្នុងសរសៃឈាមហើយដឹកនាំទៅកាន់ថ្លើម។
• ទី២ ការចាក់បញ្ចូលឱសថនោះ ដោយផ្ទាល់ទៅក្នុងសរសៃឈាមវ៉ែនចូលទៅក្នុងជាលិកាសាច់ដុំ ថ្នាំដែលចាក់បញ្ចូលនោះមានឥទ្ធិពលរហ័ស ពីព្រោះវាជ្រាបចូលទៅក្នុងសរសៃឈាមដោយផ្ទាល់បន្ទាប់មកទៅកាន់ថ្លើម។
• ទី៣ ស្រូបយកឱសថនោះ តាមច្រមុះ ជ្រាបចូលទៅក្នុងសរសៃឈាមដោយឆ្លងកាត់តាមសួត។ ឱសថដែលហឺតចូល ត្រូវឆ្លងកាត់តាមភ្នាសស្លេស្មនៃរន្ធច្រមុះមុនពេលជ្រាបចូលទៅក្នុងសរសៃឈាម។