២. តំបន់វាលលំហកកើតឡើងដោយសារមណ្ឌលអាកាសធាតុក្តៅស្ងួត និងត្រជាក់ខ្លាំងនៅលើភពផែនដី និងដោយសារទីតាំងនៃមជ្ឈមណ្ឌលសម្ពាធខ្ពស់ក្បែរត្រូពិច។ ប្រៀបធៀបតំបន់វាលលំហក្តៅ និងតំបន់វាលលំហត្រជាក់៖
• វាលលំហក្តៅ៖ វាលលំហនេះមានផ្ទៃមេឃខៀវស្រងាត់ពេញមួយឆ្នាំ ហើយបរិយាកាសមានសំណើមតិចតួចបំផុតដើម្បីរារាំងកាំរស្មីព្រះអាទិត្យដែលធ្វើឳ្យតំបន់នេះកម្រមានភ្លៀងធ្លាក់ហើយអាកាសធាតុក្តៅស្ងួត ហួតហែងខ្លាំង សីតុណ្ហភាពអតិបរមាចន្លោះពី ៤៤ ទៅ ៥០ អង្សាសេ នៅពេលថ្ងៃ ហើយចុះត្រជាក់ក្រោមសូន្យនៅពេលយប់។
• វាលលំហត្រជាក់៖ វាលលំហនេះមិនសំដៅតែលើទីវាលល្ហរល្ហេវមានផ្ទៃគ្របដណ្តប់ដោយទឹកកកសុទ្ធដូចជានៅតំបន់ប៉ូលនោះទេ ដោយតំបន់ខ្លះក៍គ្របដណ្តប់ដោយផ្នូកខ្សាច់ដែរ ។ អាកាសធាតុនៅតំបន់នេះចុះត្រជាក់ខ្លាំងរហូតដល់ -៤០ អង្សារសេ ជាពិសេសនៅរដូវរងាហើយកំណកអាកាសដែលទទួលបានភាគច្រើនជាព្រិល ។

ទិន្នភាពទូទៅនៃតំបន់វាលលំហជាតំបន់ដែលគ្មានរដូវវស្សាគ្មានទឹកគ្មានដើមឈើមានតែដីទទេ។ផ្ទៃដីគ្រប់ដណ្តប់ដោយដុំថ្ម ក្រួស និងខ្សាច់ ។ពេលថ្ងៃក្តៅខ្លាំង ពេលយប់ត្រជាក់ខ្លាំង និងមានខ្យល់បក់យ៉ាងខ្លាំងទៀតផង។ វាលលំហពោពេញទៅដោយភាពមិនអនុគ្រោះហើយខ្សត់មនុស្សរស់នៅ។