• ប្រភេទនៃកម្លាំងកកិតដែលកើតមានក្នុងេជីវភាពរស់នៅប្រចាំថ្ងៃមានដូចជា
• កម្លាំងកកិតដោយរអិល ៖ កម្លាំងកកិតដែលកើតឡើងពេលរុញតុ កម្លាំងកកិតកើតឡើងពេលអូសកៅអី កម្លាំងកកិតកើតឡើងពេលទាញសៀវភៅលើតុ
• កម្លាំងកកិតដោយរមៀល ៖ កម្លាំងកកិតដែលកើតឡើងពេលបាល់រមៀលលើដី កម្លាំងកកិតកើតឡើងពេលគ្រាប់រមៀលលើតុ កម្លាំងកកិតកើតឡើងពេលគ្រាប់បូលរមៀលលើដី
• កម្លាំងកកិតក្នុងសន្ទនីយ៍ ៖ កម្លាំងកកិតដែលកើតឡើងនៅពេលដែលផ្តិលទឹកលិចចូលក្នុងទឹក កម្លាំងកកិតដែលកើតឡើងដោយសាម៉ូតូក្នុងខ្យល់ពេលដែលម៉ូតូផ្លាស់ទីទៅមុខ កម្លាំងកកិតដែលកើត ឡើងដោយសាមនុស្សហែលក្នុងទឹក
• ម្លាំងកកិតស្តទិច៖ កម្លាំងកកិតដែលទប់ទូសៀវភៅមិនអោយផ្លាស់ទីពេលដែលយើងរុញទូរ កម្លាំងកកិត ដែលកើតឡើងពេលរថយន្តជាប់ផុងទៅមុខមិនរួច កម្លាំងដែលទប់ហិបមិនអោយ កុមារតូចរុញទៅមុខរួច

បាតុភូតដែលកើតឡើងដោយសារកម្លាំងកកិតដែលកើតមានឡើងក្នុងជីវភាពប្រចាំថ្ងៃ
-រទេះដឹកឥវ៉ាន់នឹងឈប់នៅនឹងមួយកន្លែងនៅពេលដែលយើងឈប់រុញវា។
-ម៉ូតូនឹងបញ្ឈប់ចលនាផ្លាស់ទីនៅពេលដែលមានកម្លាំងកកិតដែលកើតឡើងដោយស្បែកហ្វ្រាំង និងកម្លាំងកកិតដែលកើតឡើងរវាងសំបកកងនឹងផ្ទៃដី។
-នៅពេលដែលយើងជិះម៉ូតូនោះអាវរបស់យើងនឹងរសាត់ទៅក្រោយបាតុភូតនេះកើតឡើងដោយសារការកកិតនៃអាវទៅនឹងខ្យល់។
-តុដាក់សម្ភារៈដែលមានកម្លាំងសង្កត់ធំនឹងនៅនឹងថ្កល់ដដែលនៅពេលដែលយើងប្រើកម្លាំងរុញតូចជាងកម្លាំង
សង្តត់បាតុភូតនេះកើតឡើងដោយសារមានកម្លាំងកកិត។
-គ្រាប់ឃ្លីដែលរមៀលលើតុ នឹងបញ្ឈប់ចលនារមៀលរបស់វាដែលកើតឡើងដោយសារកម្លាំងកកិត។

ដើម្បីវាស់កម្លាំងដែលទាញវត្ថុអ្វីមួយយើងត្រូវយកឌីណាម៉ូម៉ែត្រមកថ្កក់នឹងវត្ថុនោះដោយដង្កក់នៃឌីណាម៉ូម៉ែត្រ ត្រង់ចំណុចនោះយើងហៅថា ចំណុចចាប់នៃកម្លាំង បន្ទាប់មក យើងពិនិត្យមើលលើឌីណាម៉ូម៉ែត្រត្រង់គំនូសក្រិតដែលបានបង្ហាញពីតម្លៃលេខជាក់លាក់មួយថា តើកម្លាំងដែលយើងអូសឬទាញវត្ថុនោះមានតម្លៃប៉ុន្មាន យើងហៅតម្លៃលេខនោះថា អាំងតង់ស៊ីតេកម្លាំង ដែលមានខ្នាតគិតជា ញូតុន (N)។

• កម្លាំងផ្គួបរវាងកម្លាំងពីរដែលមានចំណុចចាប់រួមទិសដៅបង្កើតបានមុំមួយ តាងដោយអង្កត់ទ្រូងនៃប្រលេឡូក្រាម ដែលកើតឡើងដោយកម្លាំងទាំងពីរនោះ។