លក្ខណៈល្ខោននិយាយ៖
• ជាទម្រង់សិល្បៈមួយប្រភេទ ដែលមានប្រភពមកពីអឺរ៉ុប
• ល្ខោននិយាយ ច្រើនសម្តែងរឿងសម័យទំនើបទាក់ទងនឹងបញ្ហាវណ្ណៈអ្នកមាន អ្នកក្រ កម្មករ និយោជក ឬរឿងល្បើកផ្សេងៗ
• លក្ខណៈសម្គាល់អត្ថបទល្ខោននិយាយ៖
– មានរាយឈ្មោះតួអង្គនៅខាងមុខ
– មានពាក្យសម្តីសន្ទនារបស់តួអង្គនៅខាងស្តាំ

អ្នកទទួលខុសត្រូវចំពោះមរណភាពរបស់រ៉ូម៉េអូ
និងស៊ុលីយែតគឺ៖
• គ្រួសាររបស់រ៉ូម៉េអូ (ម៉ុង តេហ្គុយ) និងគ្រួសាររបស់ស៊ុលីយែត (កាប់ ពុយឡែត) ដែលជា សត្រូវសួរពូជនឹងគ្នា បណ្តាលឱ្យអ្នកទាំងពីរត្រូវព្រាត់ប្រាសគ្នារហូតដល់
ស្លាប់ ។
• ព្រះសង្ឃ ឡូរ៉ិន ដែលបានឱ្យថ្នាំទៅនាងស៊ុលីយែតលេបសម្លាប់ខ្លួនមួយរយៈ ធ្វើឱ្យរ៉ូម៉េអូស្មានថា នាងស្លាប់មែន ក៏សម្លាប់ខ្លួនតាម។ ឯនាង ស៊ុលីយែត ពេលដឹងស្មារតីឡើងវិញ ឃើញរ៉ូម៉េអូស្លាប់ ក៏សម្លាប់ខ្លួនទៅ
តាម ។
• រ៉ូម៉េអូខ្លួនឯង ព្រោះគាត់ខ្វះការពិចារណា គិតខ្លី មិនចេះសួររកការពិត បែរជាយកថ្នាំពុលមកសម្លាប់ខ្លួន ធ្វើឱ្យនាងស៊ុលីយែត សម្លាប់ខ្លួនតាម។

វិធីបង្ហាញតួអង្គនៅក្នុងអត្ថបទខាងលើ៖
• បង្ហាញតួអង្គដោយតួអង្គដទៃ៖
– ទាហានទី១ ណែនាំឱ្យស្គាល់ឈ្មោះ ស៊ុលីយែត
– ទាហានទី២ ណែនាំឱ្យស្គាល់ឈ្មោះរ៉ូម៉េអូ…។
• បង្ហាញតួអង្គដោយដំណើររឿង៖
– បាវ (ចង្អុលផ្នូរ) នុះហ្ន! ទីកន្លែងដែលមានភ្លើង…។
– ទាហានទី១៖ នៅមាត់ផ្នូរ ដីសុទ្ធតែឈាមតោងដែកទ្វារនេះ…។
– ទាហានទី២៖ នេះជាបាវរបស់រ៉ូម៉េអូ យើងបាន…។

តួអង្គដែលមាននៅក្នុងរឿង កំហុសអ្នកណា មាន ដូចជា៖
• បាវ
• ទាហានទី១
• ទាហានទី២
• ព្រះអង្គម្ចាស់
• ជំទាវកាប់ពុយឡែត
• កាប់ពុយឡែត
• ឡូរ៉ិន
• បាល់ថេហ្សារ។