ប្រដាប់បន្តពូជមានសារៈសំខាន់ដូចជា៖ • ចាំបាច់ណាស់សម្រាប់ភាពបន្តនៃប្រភេទភាវរស់។ • បើគ្មានការបន្តពូជទេ ប្រភេទនីមួយៗនឹងត្រូវផុតពូជ។ • ផលិត ស្តុកទុក ចិញ្ចឹម និងបញ្ចេញកាម៉ែត។

កោសិកាមួយមានឯកទេសកម្មមានន័យថា កោសិកានោះបំពេញមុខងារមួយច្បាស់លាស់នៅក្នុងសារពាង្គកាយ។ ឧទាហរណ៍ : កោសិកាសាច់ដុំ មានឯកទេសក្នុងការធ្វើចលនា។ កោសិកាក្រពេញទឹកមាត់ មានឯកទេសក្នុងការបង្កើតអង់ស៊ីមអាមីឡាសក្នុងទឹកមាត់។

កោសិកានីមួយៗខុសគ្នាដោយសារ៖ • ទំហំកោសិកា។ • រូបរាងកោសិកា។ • មុខងារកោសិកា។

បើព័ត៌មានសេនេទិចមានបម្រែបម្រួល នោះប្រូតេអ៊ីន ក៏ត្រូវរងនូវបម្រែបម្រួលផងដែរ។ មូលហេតុ គឺបណ្ដាលមក ពីព័ត៌មានសេនេទិចបាត់បង់នាទីក្នុងការត្រួតពិនិត្យវដ្ដ កោសិកា។ កោសិកាសិកាចែកខ្លួនគ្មានរបៀបហើយមិន កំណត់ បង្កើតបានជាកោសិកាច្រើនអនេក ហើយផ្ដុំជាដុំ កោសិកាដែលហៅថាដុំពក(ដុំគីស)។

មីតូសមាននាទីដូចជា៖ • ធានាការលូតលាស់នៃសារពាង្គកាយ ដោយ បង្កើនចំនួនកោសិកា។ • ធានាបង្កើតកោសិកាថ្មីៗ ដើម្បីជួសជុលកោសិកា ចាស់ៗ ដែលបាត់បង់។ • ធានាថែរក្សាព័ត៌មានសេនេទិច គឺរក្សាចំនួន រូបរាងក្រូម៉ូសូមឱ្យនៅថេរដដែល។ • ចំពោះសារពាង្គកាយឯកកោសិកា ដូចជា អាមីបជាដើម មីតូសធានាការបង្កើតអាមីបថ្មី។