សរសៃឈាមជន្លេនមាន2ប្រភេទ ៖
• សរសៃឈាមផ្នែកខ្នងស្ថិតនៅតាមបណ្ដោយខ្នងជន្លេន ចាប់ពីខាងដើមនៃបំពង់រំលាយអាហារ របស់វា។
• សរសៃឈាមផ្នែកពោះស្ថិតនៅតាមបណ្ដោយ ផ្នែកខាងក្រោមនៃបំពង់រំលាយអាហាររបស់វា។
 សរសៃឈាមទាំង2ជួបគ្នា នៅក្បែរផ្នែកខាងចុង ក្បាលជន្លេនដោយសារសរសៃឈាម5គូ គឺ បេះដូង។ បេះដូង និងសរសៃឈាមរុញឈាម ពីផ្នែកខ្នងទៅកាន់ផ្នែកពោះ។

ឈាមសត្វកណ្ដូប មាននាទីដឹកនាំសារធាតុចិញ្ចឹម និងកាកសំណល់អាសូត។ កោសិកាចាប់យកអុកស៊ីសែន និងបញ្ចេញកាបូនិចទៅវិញតាមរយៈខ្យល់ដែលមាននៅពាសពេញក្នុងរាងកាយ។

ប្រដាប់របត់ឈាមបើក គឺឈាមមិនស្ថិតនៅក្នុង សរសៃឈាមបិទជិតទេ។ ឈាមហូរចេញស្រោចស្រព្វ ដោយផ្ទាល់ទៅលើជាលិកា ដែលស្ថិតនៅក្នុងលំហនៃ រាងកាយ។ ឧទារហណ៍ សត្វកណ្ដូបមានរបត់ឈាម បើក។ នៅតាមបណ្ដោយខ្នងសត្វកណ្ដូប មានសរសៃ ឈាមអាអក និងបំពង់បេះដូងមួយ។ ការកន្ត្រាក់នៃ បេះដូងជំរុញឱ្យឈាមហូរឆ្លងកាត់អាអកទៅកាន់ក្បាល។ នៅក្នុងក្បាលឈាមហូរចេញពីអាអក ទៅកាន់ជាលិកា ទាំងអស់នៃរាងកាយ។បណ្ដូរសារធាតុផ្សេងៗរវាងឈាមនិងជាលិកាប្រព្រឹត្តទៅនៅពេលនោះ។

តម្រងនោមសិប្បនិមិ្មតគឺជាបច្ចេកទេសដែលប្រើ ជំនួសតម្រងនោមមិនដំណើរការ។ ឈាមអ្នកជំងឺត្រូវ បញ្ចូលក្នុងឧបករណ៍មួយ។ ឧបករណ៍នេះមានវត្ថុរាវ ដែលអាចច្រោះយកកាកសំណល់ផ្សេងៗពីឈាម។ ដូច្នេះគេអាចប្រើឧបករណ៍នេះសម្រាប់បន្សុទ្ធ និងតម្រូវ ប្លាស្មាក្នុងឈាមអ្នកជំងឺ។