ឥទ្ធិពលសីតុណ្ហភាពទៅលើសកម្មភាពអង់ស៊ីមមានដូចខាងក្រោម៖
• អង់ស៊ីម មានដំណើរការប្រសើរបំផុតនៅពេលមានសីតុណ្ហភាពខ្ពស់។ ឧទាហរណ៌ អង់ស៊ីមរំលាយអាហារ អាចរំលាយអាហារដែលមានបរិមាណដូចគ្នាក្នុងរយៈពេលខ្លី ប្រសិនបើមានសីតុណ្ហភាពខ្ពស់។ ជាធម្មតា កាលណាសីតុណ្ហភាពកើនដល់ 10 0C សកម្មភាពរបស់អង់ស៊ីមនឹងកើនទ្វេដង។ ចំពោះអង់ស៊ីមភាគច្រើន សីតុណ្ហភាពចន្លោះ 40 0C ទៅ 45 0C ជាសីតុណ្ហភាពដែលអង់ស៊ីមមានសកម្មភាពខ្លាំងក្លាបំផុត។ សកម្មភាពរបស់អង់ស៊ីម

អង់ស៊ីម មានលក្ខណៈសម្បត្តិដូចតទៅ៖
• អង់ស៊ីម មួយចំនួនតូចអាចបង្កើនប្រតិកម្មបានមួយចំនួនធំ។
• អង់ស៊ីម អាចបង្កើនល្បឿនប្រតិកម្មគីមីជីវៈដែលកើតមានក្នុងកោសិកា។
• អង់ស៊ីម មួយមានអំពើទៅលើតែស៊ុបស្ត្រាតមួយគឺមានមុខងារយថាប្រភេទ។

ចំណែកថ្នាក់អង់ស៊ីមមាន 6 ក្រុមគឺ៖
• អុកស៊ីដូររេដុតាស(Oxydoreductase) : ជា-អង់ស៊ីមចូលរួមប្រតិកម្មអុកស៊ីដូរេដុកម្ម(ប្រតិករ)។ ថ្នាក់រងក្រុមនេះមាន រេដុចតាស អុកស៊ីដាស អុកស៊ីសែនណាស ពែអុកស៊ីដាស អ៊ីដ្រូឡាស។
• ត្រង់ស្វេរ៉ាស(Transferase) : ជាអង់ស៊ីមចូលរួមប្រតិកម្មគីមី យថាប្រភេទដោយផ្ទេរម៉ូលេគុលពីបណ្ដុំមួយទៅបណ្ដុំមួយទៀត។ ដូចជាបណ្ដុំអាមីន បណ្ដុំកាបុកស៊ីល មេទីល ផូស្វរីល។ឧទាហរណ៌ ត្រង់កាបុកស៊ីឡាស។
• អ៊ីដ្រូឡាស(Hydrolase) : ជាអង់ស៊ីមចូលរួម-ក្នុងប្រតិកម្មផ្ដាច់សម្ព័ន្ធគីមីដោយភ្ជាប់អ៊ីយ៉ុង OH- និងអ៊ីយ៉ុង H+ ដែលបានមកពីម៉ូលេគុលទឹក(ប្រតិកម្មអ៊ីដ្រូលីស)។ ថ្នាក់រងក្រុមនេះមាន
កាបូអ៊ីដ្រាស ប្រូតេអាស លីប៉ាស អេស្ទែរ៉ាស ផូស្វាតាស ប៉ិបទីដាស។
• លីយ៉ាស(Lyases) : ជាអង់ស៊ីមដែលបំបែកទឹក កាបូនឌីអុកស៊ីត និងអាម៉ូញាក់ ក្នុងនោះរួមមាន ដេអ៊ីដ្រាតាស ឌែមីណាលីយាស។
• អ៊ីសូមេរ៉ាស(Isomerases) : ជាអង់ស៊ីមដែលជួយជម្រុញប្រតិកម្មក្នុងម៉ូលេគុល ដើម្បីរៀបចំម៉ូលេគុលជាថ្មីឡើងវិញ។ ឧទាហរណ៌ អេពីមេ-រ៉ាស ជាអង់ស៊ីមដែលជួយជម្រុញប្រតិកម្មក្នុងការរៀបចំបញ្ច្រាសនូវអាតូមកាបូន។ មុយតាសជាអង់ស៊ីមដែលជួយជម្រុញប្រតិកម្មក្នុងម៉ូលេគុលដែលធ្វើឱ្យប្រែប្រួលនូវនាទីនៃបណ្ដុំផ្សេងៗ។
• លីហ្កាស( Ligases): ជាអង់ស៊ីមដែលចូលរួម-ក្នុងប្រតិកម្មបង្កើតសម្ព័ន្ធគីមីរវាងម៉ូលេគុលស៊ុបស្ត្រាតពីរ។ ថាមពលដែលផ្ដល់ដល់ប្រតិកម្មនេះបានមកពីអ៊ីដ្រូលីសនៃ ATP ។ លីហ្កាសមានដូចជា សាំងតេតាស និងកាបុកស៊ីឡាស។

• ការធ្វើចំណែកថ្នាក់អង់ស៊ីម ដោយផ្អែកលើនាទីរបស់វាគឺឈ្មោះរបស់អង់ស៊ីមដែលបញ្ចប់ដោយពាក្យ «អាស» បន្ថែមលើឈ្មោះស៊ុបស្ត្រាត។

• អង់ស៊ីមគឺជាកាតាលីករជីវៈដែលជម្រុញល្បឿនប្រតិកម្មគីមីផ្សេងៗ។ ឧទាហរណ៌ អាហារដែលយើងបរិភោគមិនរលាយក្នុងទឹកឬមិនអាចសាយបានទេ។ អាហារទាំងនោះជាម៉ូលេគុលធំៗ ដែលជាហេតុធ្វើឱ្យវាមិនអាចឆ្លងកាត់ផ្ទៃនៃភ្នាសកោសិកាបាន។