រូបផ្គុំរបស់សត្វត្រីដូចជា៖ • ស្រកី • បេះដូង • ថ្លើម • ប្រមាត់ • ក្រពះ • ពោះវៀន • ប្លោកខ្យល់ • អូវែ • ពងស្វាស • តម្រងនោម។

សត្វឆ្អឹងកងមាន 5 ថ្នាក់គឺ៖ • ថ្នាក់ត្រី • ថ្នាក់អំភីប • ថ្នាក់ល្មូន • ថ្នាក់បក្សី • ថ្នាក់ថនិកសត្វ។

ដែលហៅថា សត្វឆ្អឹងកងគឺជាសត្វទាំងឡាយណាដែលមានឆ្អឹងកងខ្នង។ ឆ្អឹងខ្នង ជាផ្នែកមួយនៃគ្រោងឆ្អឹងក្នុង។

ជន្លេន បង្កកំណើតនៅពេលណាមានជន្លេនពីរ ភ្ជាប់គ្នាផ្នែកពោះនិងក្បាល ហើយប្ដូរកាម៉ែតគ្នា។ ជន្លេននីមួយៗរក្សាកាម៉ែតដែលវាទទួលបានក្នុងថង់ពិសេស មួយ ។ ស៊ុតបង្កកំណើតត្រូវបានរុំព័ទ្ធដោយជាតិស្លេស្មខាប់ដែលបញ្ចេញដោយចង្កំសម្រាប់ការពារស៊ុត។ រយៈពេល 3 – 4 អាទិត្យក្រោយ កូនជន្លេននឹងចាកចេញពីស្លេស្ម។

កន្លែងប៉ោងជាងគេ គ្មានខណ្ឌជាកង់ៗ ស្ថិតនៅតាមបណ្ដោយខ្លួនជន្លេនហៅថា ចង្កំ។ វាមាននាទីបញ្ចេញជាតិស្លេស្មសម្រាប់ការពារស៊ុតនិងធ្វើឱ្យស្បែកជន្លេនមានសភាពរអិល។