អាឡឺម៉ង់ត្រូវបានបែកចែកជាពីរនៅថ្ងៃទី១២ ខែសីហា ឆ្នាំ ១៩៤៨ ដោយសារការប្រឈមដាក់គ្នារវាងមហាអំណាចទាំងពីរគឺសហភាពសូវៀត និងសហរដ្ឋអាមេរិក ។ សន្និសីទក្រុងយ៉ាល់តាដែលបែងចែកប្រទេសអាឡឺម៉ង់ជាបួនតំបន់ត្រួតត្រា ដើម្បីកុំឲ្យប្រទេសនេះមានលទ្ធភាព បង្កសង្គ្រាមទៀត។

អាឡឺម៉ង់បានរួបរួមគ្នាវិញនៅថ្ងៃទី១២ កញ្ញា ១៩៩០ ដោយសារកត្តាមួយចំនួនដូចជា៖ • សហភាពសូវៀតពុំមានលទ្ធភាពជួយដល់អាឡឺម៉ង់ខាងកើតទៀត ដោយសារមានវិបត្តិសេដ្ឋកិច្ចធ្ងន់ធ្ងរ • ការដួលរលំសហភាពសូវៀត • ប្រទេសមហាអំណាចបានយល់ព្រមដោះលែងប្រទេសអាឡឺម៉ង់ឲ្យមានសេរីភាព។

ការបង្រួបបង្រួមអាល្លឺម៉ង់ត្រូវបានធ្វើឡើង៣លើកគឺ៖ ១. ការធ្វើឲ្យមានឯកភាពគ្នាក្នុងការប្រើប្រាស់ក្រដាសប្រាក់ ២. សាធារណរដ្ឋប្រជាធិបតេយ្យអាល្លឺម៉ង់បានរួបរួមជាមួយសហព័ន្ធអាល្លឺម៉ង់ដោយរំលាយរដ្ឋទាំង៥ ៣. ការដកទ័ពបរទេសចេញពីទឹកដីអាល្លឺម៉ង់ដើម្បីប្រគល់ឯករាជ្យនិងអធិតេយ្យភាពទឹកដី។

វិស័យសេដ្ឋកិច្ចនិងវិស័យសង្គមនៅអាឡឺម៉ង់ខាងលិចគឺ វិស័យសេដ្ឋកិច្ច : • មានការរីកចម្រើនដោយសារប្រទេសនេះ • មានតំបន់ធ្យូងថ្មគឺតំបន់ដែលជាប្រភពថាមពលសម្រាប់រោងចក្រធំៗ មានរោងចក្រស្លដែកជាដើម។ • សម្បូរហត្ថករដែលមានប្រាក់កម្រៃថោក • មានការពង្រឹកតំបន់ឩស្សាហកម្មទូទាំងប្រទេស ឩស្សាហកម្មល្បីនាំមុខគេនៅអឺរ៉ុបដូចជារោងចក្រអគ្គីសនីរោងចក្រគីមី រោងចក្រស្លដែក និងរោង ផលិតគ្រឿងម៉ាស៊ីនធំៗ។ • នាំមុខខាងផលិតផលកសិកម្មដូចជា ស្ករ ទឹកដោះគោ សាច់ វិស័យសង្គម: • មានប្រាក់ធានារ៉ាប់រងជំងឺការងារ អ្នកឥតការងារធ្វើ មនុស្សវ័យជរា និយាយរួមគឺប្រជាជន៨០%ទទួលបានប្រាក់ធានារ៉ាប់រង។ • ស្រ្តីមានសិទ្ធិនឹងបុរសដែលបានចែងនីក្នុងច្បាប់ជាមូលដ្ឋាន។ ស្រ្តីចំនួន១/២ចាប់ពីអាយុ១៥.៥០ឆ្នាំទទួលបានការងារនៅក្រៅផ្ទះ។ • ច្បាប់បានកំណត់ឲ្យស្រី្តមានផ្ទៃពោះត្រូវបានឈប់សម្រាកនៅផ្ទះចំនួន៦ខែក្រោយពេលឆ្លងទន្លេដើម្បីថែរក្សាទារក។ • ដ្ឋានភិបាលអាល្លឺម៉ង់សង់ផ្ទះ១២លានខ្នងជូនប្រជាពលរដ្ឋ

មូលហេតុចម្បងដែលបណ្តាលឲ្យសហភាពសូវៀតដួលរលំ៖ • មានបញ្ហាសេដ្ឋកិច្ចធ្ងន់ធ្ងរ ការប្រណាំងប្រជែងសព្វាវុធ និងបច្ចេកវិទ្យាជាមួយសហរដ្ឋអាមេរិកដែលធ្វើឲ្យសហភាពសូវៀតចំណាយប្រាក់យ៉ាងសន្ធឹកសន្ធាប់រហូត់ដល់មានវិបត្តិ។ • ជាប្រទេសទី១ក្នុងពិភពលោកដែលប្រកាន់របបសង្គមនិយម • ប្រទេសដែលរណបសហភាពសូវៀតបានប្រកាសឯករាជ្យលែងដើរតាមសហភាពសូវៀត • សហភាពសូវៀតហ៊ុំព័ទ្ធដោយប្រទេសសេដ្ឋកិច្ចទីផ្សារសេរី។

រដ្ឋដែលបានប្រទេសឯករាជ្យពីសហភាពសូវៀតគឺ អាល្លឺម៉ង់ខាងកើត ឆេកូស្លូវ៉ាគឺ ហុងគ្រឺ ប៊ុយការី ប្រទេសបីនៅមាត់សមុទ្របាល់ទិច ព្រោះសហភាពសូវៀតដួលរលំ និងអ្នកដឹកនាំហ្គោបាឆូវប្រកាសថានឹងមិនអនុញ្ញាតឲ្យមានការធ្វើអន្តរាគមន៏ខាងវិស័យយោធាទៀតឡើយ។

នៅក្រោយសង្គ្រាមលោកលើកទី២ សហភាពសូវៀតមានឥទ្ធិពលនៅលើទ្វីបអឺរ៉ុបដូចជា ៖ • ការស្ងប់ស្ងែងពីជ័យជំនះដ៏ធំដែលសហភាពសូវៀតដែលដណ្តើមបានក្នុងពេលសង្គ្រាម • មនោគមន៏វិជ្ជាក្រហមបានជ្រូតជ្រាបនៅក្នុងរដ្ឋាភិបាលនៃប្រទេសអឺរ៉ុបស្ទើរតែទាំងអស់លើកលែងតែប្រទេសអង់គ្លេសចេញ ។

ដើម្បីស្តារប្រទេសឡើងវិញនៅក្រោយសង្គ្រាម លោកស្តាលីនបានរៀបចំផែនការសេដ្ឋកិច្ចដូចជា៖ • ផែនការ៥ឆ្នាំ លើកទី៤ គឺការជម្រុញខាងថាមពល ដែកថែប និងការកសាងផ្លូវរទេះភ្លើង • ផែនការ៥ឆ្នាំ លើកទី៥ គឺការកសាងវិស័យបច្ចេកទេស ខាងយោធា និងកសិកម្ម

នៅក្រោយសង្គ្រាមលោកលើកទី២ ពិភពលោកបែងចែកនយោបាយជា២ប្លុកគឺ៖ • ប្លុកមូលធននិយម ( មនោគមន៏វិជ្ជាសេរី) : ដឹកនាំដោយ សហរដ្ឋអាមេរិក អង់គ្លេស និងបារាំង • ប្លុកសង្គមនិយម ( មនោគមន៏វិជ្ជាកុម្នុនីស្ត) : ដឹកនាំដោយសហភាពសូវៀត

បានជាបារាំងជំទាស់ដាច់ខាតចំពោះបេក្ខភាពនៃប្រទេសអង់គ្លេសក្នុងទីផ្សាររួមអឺរ៉ុប ព្រោះបារាំងស្អប់អាមេរិក (អង់គ្លេសជាដៃគូរបស់អាមេរិក) បារាំងខ្លាចអាមេរិកមានឥទ្ធិពលលើទ្វីបអឺរ៉ុបនាំឲ្យបារាំងថយចុះ ។