ការអប់រំបឋមសិក្សាមានគោលបំណង ៖ • បណ្តុះបណ្តាលបុគ្គលិកលក្ខណៈពេញលេញលើផ្នែក រាងកាយ បញ្ញា សីលធម៌ តម្លៃ និងបំណងមូលដ្ឋានចាំបាច់ • ដើម្បីឱ្យអ្នកសិក្សាអាចបន្តការសិក្សានៅមធ្យមសិក្សា ។

ការអប់រំមធ្យមសិក្សាមានគោលបំណង ៖ • បណ្តុះបណ្តាលបុគ្គលិកលក្ខណៈពេញលេញ ដោយពង្រីកវិសាលភាពចំណេះដឹង បំណិន ការរអប់រំវិជ្ជាជីវៈ ការអប់រំសីលធម៌ • ដើម្បីរួមចំណែកក្នុងការអភិវឌ្ឍសេដ្ឋកិច្ចសង្គមឱ្យមានលក្ខណៈសម្បត្តិបន្តទៅឩត្តមសិក្សាឬបណ្តុះបណ្តាលបច្ចេកទេសវិជ្ជាជីវៈ • អាចចូលរួមក្នុងជីវភាពសង្គម ។

ការអប់រំឩត្តមសិក្សាមានគោលបំណង ៖ • បណ្តុះបណ្តាលបុគ្គលិកលក្ខណៈពេញលេញ • ជំរុញការស្រាវជ្រាវផ្នែកវិទ្យាសាស្រ្ត បច្ចេកទេស វប្បធម៌និងសង្គម • ដើម្បីឱ្យមានសមត្ថភាពខ្ពស់ ទាំងចំណេះដឹង ជំនាញសីលធម៌ គំនិតច្នៃប្រឌិត គំនិតបង្កើតថ្មី និងស្មារតីសហគ្រិនភាព • អាចអភិវឌ្ឍប្រទេសជាតិ ។

ដើម្បីឱ្យការអប់រំមានគុណភាពនិងប្រសិទ្ធិភាពគេត្រូវ ៖ • បំពេញសេចក្តីត្រូវការខាងការសិក្សាជាមូលដ្ឋាន សេចក្តីការជំនាញ • យកចិត្តទុកដាក់បំពាក់សម្ភារៈបច្ចេកទេសសមស្របនិងទំនើបក្នុងការបង្រៀននិងរៀន • រៀបចំឱ្យមានស្តង់ដាជាតិអប់រំ • រៀបចំឱ្យមានស្តង់ដាសមត្ថភាព • រៀបចំឱ្យមានស្តង់ដាជាតិបណ្តុះបណ្តាល • ត្រូវការមានយន្តការវាយតម្លៃផ្ទៃក្នុង • ពិនិត្យមើលទៅលើការប្រើប្រាស់ភាសាក្នុងការបង្រៀននិងរៀន • ត្រូវមានការវាស់ស្ទង់សមត្ថភាពកម្រិតសមមូល • ត្រូវមានការប្រឡង គុណភាពនៃការប្រឡង ។

នៅក្នុងកំណាព្យមានរូបារម្មណ៍៤ធំៗគឺ៖ • ជីវរូបារម្មណ៍ • រូបារូបិយារម្មណ៍ • និមិត្តរូបារម្មណ៍ • ឧបមានរូបារម្មណ៍ ។

ជីវរូបារម្មណ៍គឺ ជារូបារម្មណ៍ដែលកើតចេញពីអ្នកនិពន្ធបង្កើតឡើង ធ្វើឲ្យភាវះអ្វីមួយដែលគ្មានជីវិត អវិញ្ញាណ គ្មានរូបរាង គ្មានចលនា ក្លាយទៅជាមានជីវិត មានរូបរាង មានចលនា នៅក្នុងអាម្មណ៍របស់អ្នកអាន អ្នកស្តាប់ ។

ពាក្យដែលប្រើដើម្បីបង្កើតបានជាជីវរូបារម្មណ៍រួមមាន៖ • ព្យុះរលក • សំណាញ់ស្នេហ៍ • រលកវាសនា • រន្ទះវាចា • សមុទ្ទទឹក • រលកស្នេហា • កាមទេពស្នេហ៍ • នាវាតណ្ហា • សមុទ្ទទឹកភ្នែក • បិសាចលោកិយ៍ • ផ្កាយជីវិត • ចិត្តក្រមុំ • ផលគរលាន់សម្តី • សង្ឃរាជីវិត… ។

រូបារូបិយារម្មណ៍ គឺជារូបារម្មណ៍ដែលស្ថិតនៅក្នុងវគ្គ ឬនៅក្នុងអត្ថបទទាំងមូលរបស់កំណាព្យ។ រូបារម្មណ៍ប្រភេទនេះអាចក្លាយមកពីជីវរូបបារម្មណ៏និងឧបមានរូបារម្មណ៍ ។

គេចែករូបារូបិយារម្មណ៍ជា៤ប្រភេទគឺ៖ • ឥន្ទ្រីរួបារម្មណ៍ ជារូបារម្មណ៏ដែលទាក់ទងនឹងឥន្ទ្រីយ៍ទាំង៥របស់មនុស្សមាន កាយ ភ្នែក ត្រចៀក ច្រមុះនិងអណ្តាត។ • កាមរូបារម្មណ៍ ជារូបារម្មណ៏ដែលទាក់ទងទៅនឹងផ្លូវចិត្តនាំឲ្យកើតមានតម្រេកតណ្ហា។ • វេទនារូបារម្មណ៍ ជារូបារម្មណ៏ដែលទាក់ទងជាមួយនឹងផ្លូវចិត្តរបស់មនុស្សមានការចងចាំបាន ភាពឈឺចាប់ រន្ធត់ តក់ស្លុត ញាប់ញ័រ ស្រក់ទឹកភ្នែក ការខកបំណងជាដើម។ • បញ្ញារូបារម្មណ៍ ជារូបារម្មណ៍ ដែលទាក់ទងជាមួយនឹងសតិបញ្ញា ស្មារតី ការត្រិះរិះពិចារណា ការភ្ញាក់រឭកផ្សេងៗជាដើម។

និមិត្តរូបារម្មណ៍ គឺជារូបារម្មណ៏ដែលអ្នកនិពន្ធបង្កើតឡើងដើម្បីធ្វើការដំណាងធ្វីមួយទៅនឹងអ្វីមួយផ្សេងទៀតដើម្បីសម្រេចបាននូវទស្សនះបែបណាមួយ។ ឧទាហរណ៍៖ • ព្រាបស តំណាងឲ្យសន្តិភាព • ទន្សាយ តំណាងឲ្យជនមានប្រាជ្ញា • យក្យ ...