ទ្វីបដែលមានអត្រាជំងឺអេដស៍ខ្ពស់ជាងគេគឺ ទ្វីបអាហ្រ្វក ។ ហើយវ័យដែលប្រឈមនឹងជំងឺអេដស៍ច្រើនជាងគេគឺចាប់់ពីវ័យ១៥ទៅ៣៦ឆ្នាំព្រោះវ័យនេះជាមនុស្សពេញវ័យងាយប្រឡូកក្នុងការរួមភេទនិងភាពច្រើនជាមនុស្សចំណូលប្រើប្រាស់គ្រឿងស្រវឹងដែលធ្វើឲ្យបាត់បង់សា្មរតីភ្លេចប្រើសោមអនាម័យនៅពេលរួមភេទឬក៍បានប្រើដែលតែប្រើមិនបានត្រឹមត្រូវ ។

ខេត្តដែលប្រឈមមុខនឹងឆ្លងជំងឺគ្រុនចាញ់ច្រើនជាងគេគឺរតនៈគិរី មណ្ឌលគិរី ឧត្តរមានជ័យ ព្រះវិហារ ក្រចេះ បាត់ដំបូង ប៉ៃលិន កោះកុង ពោធិ៍សាត់ ។ ដោយសារតែខេត្តទាំងនោះជាតំបន់ភ្នំ សំបូរព្រៃឈើ ក្រាស់ស្តុក និងការយល់ដឹងពីការឆ្លងជំងឺគ្រុនចាញ់របស់ប្រជាជននៅមានកម្រិត ។

រូបភាពបំលាស់លំនៅនៅកម្ពុជាបច្ចុប្បន្ន មានបួុនរូបភាពគឺ បំលាស់លំនៅពីជនបទទៅទីក្រុង 27.53% បំលាស់លំនៅពីជនបទទៅជនបទ 50.88% និងបំលាស់លំនៅពីទីក្រុងទៅទីក្រុង15.11% នឹងបំលាស់លំនៅពីទីក្រុងទៅជនបទ6.48% ។ រូបភាពដែលបំលាស់លំនៅច្រើនជាងគេគឺ បំលាស់លំនៅពី ជនបទទៅជនបទ ដោយសារឡើងនៃសេដ្ឋកិច្ច ជាពិសេសគឺតម្លៃដីធ្លីឡើងថ្លៃ ដែលធ្វើឲ្យប្រជាជនធ្វើការលក់ដូរដីពីកន្លែងដែលដីមានតម្លៃថ្លៃទៅ រស់នៅកន្លែងមួយទៀត និងជសឆ្នាំដែលមានវិបត្តិសេដ្ឋកិច្ចតម្លៃទំនិញឡើងថ្លៃដែលធ្វើឲ្យមានការប្តូរកន្លែង ធ្វើការស្វែងរកការងារធ្វើ អសន្តិសុខនិងការវិលជួបជុំគ្រួសារ កូនកំព្រា ការបាត់បង់ដីធ្លី និងលំនៅដ្ឋាន ។ រូបភាពបំលាស់លំនៅ ពីជនបទទៅទីក្រុង ជារូបដែលបណ្តាលឲ្យមានបញ្ហានគរូនីយកម្ម និងបង្កឲ្យមានចំណោទលើផ្នែក សេដ្ឋកិច្ច សង្គមកិច្ច និងវប្បធម៍ថែមទៀត ។

ចលនាមាតុភូមិនិវត្តន៍របស់ប្រជាជនកម្ពុជាធ្វើឡើងនៅពេលមានកិច្ចព្រមពៀងសន្តិភាពទីក្រុងប៉ារីសនៅថ្ងៃទី២៣ ខែតុលា ឆ្នាំ១៩៩១ ។ កិច្ចព្រមព្រៀងនេះបានផ្តល់ដល់ជនភៀសខ្លួន និងដោយការខិតខំប្រឹងប្រែងរបស់អគ្គស្នងការ អង្គការសហប្រជាជាតិ សំរាប់ជនភៀសខ្លួន បានរកដីសំរាប់ធ្វើកសិកម្ម ចែកជូនដល់ជនភៀសខ្លួនទាំងនោះ ។ ចំពោះជនភៀសខ្លួនទាំងនោះ អគ្គស្នងការ អង្គការសហប្រជាជាតិសម្រាប់ជនភៀសខ្លួនបានអនុវត្តគោលនយោបាយដូចជា ផ្តល់លទ្ធភាពឲ្យជនភៀសទាំងនោះធ្វើការជ្រើសរើសយកដីធ្លីដាំដុះ ឬទទួលយកជាលុយ ។ នៅខែកក្កដា ឆ្នាំ ១៩៩២ ជនភៀសខ្លួនប្រមាណ ៣៥% សម្រេចចិត្តជ្រើសរើសយកលុយ ២៥% ជ្រើសរើសយកដីដាំដុះ និង ២០% ទៀតសុខចិត្តរង់ចាំដីដោះមិនរួច ។

មានព្រឹត្តិការណ៍កើតឡើងនៅពេលខ្មែរក្រហមឡើងកាន់អំណាចនៅឆ្នាំ ១៩៧៥- ១៩៧៩ដូចជា៖
– ការជម្លៀសប្រជាជនទីក្រុងភ្នំពេញ ដោយបង្ខំឲ្យទៅរស់នៅតាមជនបទ
– ការរត់គេចរបស់ប្រជាជនពីប្រទេសទៅសុំជ្រកកោកនៅតាមប្រទេសជិតខាង
– ការបង្ខិតបង្ខំឲ្យធ្វើការជាទម្ងន់ការធ្វើទារុណកម្មយ៉ាងព្រៃផ្សៃនិងការកាប់សម្លាប់យ៉ាងរង្គាល ។