រ៉ូមអាចវាយយកប្រទេសនានាជុំវិញសមុទ្រមេឌីទែរ៉ានេបានដោយសារ មានស្ថានភាពល្អមួយដែលមានស្ពានភ្ជាប់ពីទ្វីបអឺរ៉ុបទៅអាហ្រ្វិក ប្រការនេះអាចជួយឱ្យជនជាតិអ៊ីតាលីធ្វើដំណើរវាយយកតំបន់ជុំវិញសមុទ្រមេឌីទែរ៉ានេបានយ៉ាងងាយ។

ប្រៀបធៀបទីតាំងភូមិសាស្រ្តប្រទេសកម្ពុជានិងទីតាំងភូមិសាស្រ្តក្រិក
• ទីតាំងភូមិសាស្រ្តកម្ពុជា ស្ថិតនៅទ្វីបអាស៊ីប៉ែកអាគ្នេយ៏ ចែកចេញជាបួនតំបន់មានតំបន់មាត់សមុទ្រ តំបន់ជួរភ្នំ តំបន់វាលទំនាប តំបន់ខ្ពង់រាប។
• ទីតាំងភូមិសាស្រ្តក្រិក ស្ថិតនៅជាប់សមុទ្រមេឌីទែរ៉ានេសម្បូរភ្នំចែកចេញជាពីរផ្នែកខាងជើងជាតំបន់ដីគោកខាងត្បូងជាតំបន់សមុទ្រ។

ប្រៀបធៀបជំនឿនៅក្រិកបុរាណនិងជំនឿនៅកម្ពុជាសព្វថ្ងៃ៖
• ជំនឿនៅក្រិកបុរាណ មានជំនឿលើពហុទេពនិយមដែលមានទេវៈសំខាន់ជាច្រើន
• ជំនឿនៅកម្ពុជាសព្វថ្ងៃ មានជំនឿលើព្រះពុទ្ធសាសនាជឿលើបុណ្យបាបអាក្រក់ល្អ។

តាមការសិក្សាស្រាវជ្រាវប្រវត្តិសាស្រ្តក្រិកបុរាណមានបន្សល់ទុកអច្ឆរិយវត្ថុជាច្រើនដូចជាព្រះវិហារអាក្រូប៉ូលជាមជ្ឈមណ្ឌលសិល្បៈ វិហារប់ាតេណុងនិងស្នាដៃវិទ្យាសាស្ត្រនិងអក្សរសាស្រ្តដែលអ្នកកវិនិងអ្នកប្រាជ្ញាបានបន្សល់ទុករហូតមកដល់បច្ចុប្បន្ន។

អរិយធម៌ក្រិកជាអរិយធម៍លូតលាស់ខ្ពង់ខ្ពស់ហើយបានផ្សព្វផ្សាយស្ទើរពាសពេញពិភពលោកនិងគេចាត់ជាអរិយធម៌ជាមូលដ្ឋានមួយដ៏សំខាន់នៃអរិយធម៌បជ្ឈឹមនាសម័យបុរាណ។