ប្រៀបធៀបពីជីវភាពរស់នៅរបស់ពួកអាំងកា និង អាស្តែក៖
❖ អាំងកា
● ពួកអាំងកាមានភាពដាច់ខាតចំពោះការងារ
● ដីធ្លីត្រូវបានបែងចែកជាច្រើនផ្នែក សម្រាប់វិហារ មន្ត្រីអាំងការ បព្វជិត ស្ត្រីមេម៉ាយ ក្មេងកំព្រា និងអ្នកស្រែចំការ
● គ្រួសារនីមួយៗធ្វើការលើដីរបស់ខ្លួនផង និងជាប់កំណែនមន្ត្រីអាំងការផង
● ពេលខ្លះ អ្នកស្រែត្រូវជាប់កំណែនកសាងវិមាននានា ផ្លូវថ្នល់ និងការដឹកជញ្ជូន
● ដំណាំសំខាន់របស់គេគឺដំឡូងបារាំង ពោត សណ្ដែក កប្បាស
● ឧបករណ៍ប្រើប្រាស់ពួកគេអំពីឈើនិងថ្ម
❖ អាស្តែក
● អ្នកស្រែចំការនិងទាសករមានចំនួនច្រើនជាងគេ
● គ្រួសារនីមួយៗទទួលបានដីធ្លី ហើយត្រូវបង់ពន្ធដារ
● គ្រួសារនីមួយៗប្រមូលផ្ដុំជាក្រុម ឬបក្សសម្ព័ន្ធ
● មេដឹកនាំរបស់គេគឺរើសចេញពីតំណាងនៃបក្សសម្ព័ន្ធ។

អាមេរិកជោគជ័យដោយសារពួកគេចេះរៀបចំប្រព័ន្ធធារាសាស្រ្ត ដោយប្រើបច្ចេកទេសបញ្ចូលទឹកបានគ្រប់ទីកន្លែងសម្រាប់បម្រើនូវការរស់នៅរបស់ប្រជាជនជាពិសេសលើវិស័យកសិកម្ម។ ពួកគេមានចំណេះយល់ដឹងខ្ពស់លើផ្នែកសិល្បះ តារាវិទ្យា និងគណិតវិទ្យា។ ពួកគេបានកសាងកន្លែងសង្កេតតារាជាច្រើនកន្លែង កសាងប្រាសាទទម្រង់ដូចពីរ៉ាមីតកំបុត និងសំណង់ដែលមានលក្ខណៈមហិមាជាច្រើនកន្លែងទៀត។

ដើម្បីបានម្ហូបអាហារសម្រាប់បរិភោគពួកសិប្បករត្រូវយកគ្រឿងអលង្ការធ្វើអំពីមាស ក្រណាត់ស្តើង ភាជន៍..ទៅដោះដូរជាមួយពូកកសិករ ព្រោះក្នុងពេលនោះពួគគេមិនទាន់ចេះប្រើរូបិយវត្ថុនៅឡើយទេ។

ពួកគេចូលចិត្តមុខរបរកសិកម្ម ហើយមុខរបររបស់ពួកគេមានភាពរីកចម្រើនខ្លាំង ព្រោះពួកគេសុទ្ធតែមានស្មារតីដាច់ខាតចំពោះការងារ។ ពួកគេបានរៀបចំប្រព័ន្ធធារាសាស្រ្ត គេអាចធ្វើឱ្យដីទំនាបឬដីចំណោតក្លាយជាដីកសិកម្ម ដោយប្រើបច្ចេកទេសបញ្ចូលទឹក។

ក្នុងនាមប្អូនជាកូនខ្មែរ ខ្ញុំស្រឡាញ់ ឱ្យតម្លៃនិងចូលរួមថែរក្សាសម្បត្តិបេតិកភណ្ឌពិភពលោកទាំងនេះឱ្យបានគង់វង្ស មិនថាជារបស់ខ្មែរឬរបស់បរទេសឡើយ។ ម្យ៉ាងទៀតខ្ញុំពិតជាមានការកោតស្ងប់ស្ងែងលើគំនិតច្នៃប្រឌិតពោរពេញដោយទេពកោសល្យរបស់ជនជាតិរ៉ូមកាលពីបុរាណកាល។