ដើម្បីជៀសវាងការប្រើថ្នាំពុលគីំមី យើងត្រូវមានការការពារដំណាំទប់ទល់និងសត្វល្អិតដូចជា ៖
ការធ្វើរបាំងការពារ ការបញ្ឆោតរុយ ដាក់អន្ទាក់….ជាវិធីសាស្រ្តមួយក្នុងការ ការពារទល់ជាមួយសត្វល្អិតដែលបំផ្លាញដំណាំ។
បើសិនជាមានការបំផ្លាញធ្ងន់ធ្ងរយើងអាចប្រើថ្នាំដែលផលិតពីរុក្ខជាតិឬសារធាតុគីមីងាយៗដូចជា ល្បាយសាប៊ូ ប្រេងកាត ។ល។

វីធីកំចាត់សត្វល្អិតបែបដាំដុះមាន ៖
• ដំណាំឆ្លាស់ៈ អាចផ្តាច់ខួបបំផ្លាញរបស់សត្វល្អិតនិងជំងឺផ្សេងៗ។
• ការភ្ជួរដីជ្រៅៈ អាចបំផ្លាញសម្លាប់កូនញាស់របស់សត្វល្អិតចង្រៃ។
• ការសាបៈ មុនឬក្រោយពេលកំណត់តាមប្រភេទដំណាំគឺគេជ្រើសរើសពេលសាបដោយធ្វើយ៉ាងណាឱ្យដំណាំលូតលាស់មុនពេលសត្វល្អិតចង្រៃកើតមាន។

វិធីកំចាត់សត្វល្អិតតាមបែបគីមី៖
ជាវិធីមួយដែលផ្តល់លទ្ធផលបានយ៉ាងឆាប់រហ័ស។វិធីនេះទប់ស្កាត់សត្វល្អិតចង្រៃមិនឱ្យបំផ្លាញដំណាំបានទាន់ពេលវេលា។ប៉ុន្តែអាចបំផ្លាញសុខភាពមនុស្សនិងបំពុលបរិស្ថានផងដែរប្រសិនបើយើងមិនបានយល់ពីរបៀបប្រើប្រាស់ថ្នាំពុលកសិកម្មដោយសុវត្ថិភាព ។

វិធីកំចាត់សត្វល្អិតបំផ្លាញដំណាំដំណាំតាមបែបមេកានិចមាន៖
• ការស្ទាក់ចាប់សត្វល្អិតក្នុងដំណើរចររបស់វា
• ប្រើល្បាយអាហារដែលមានជាតិពុលចំពោះសត្វល្អិតទិចផ្លែ។
• ដាក់ក្រវាត់នេះនៅលើដងដើមរបស់រុក្ខជាតិស្ទាក់ស្រមោច
• ប្រមូលចាប់សត្វល្អិត
• ការប្រមូលផលមុនកំណត់ៈ កុំឱ្យសត្វល្អិតចង្រៃកើតមានច្រើននៅចុងបញ្ចប់នៃការលូតលាស់នៃដំណាំ។

ជំងឺដែលកើតនៅផ្នែកផ្សេងៗលើដំណាំមាន៖
១ ឬស
• ឫស ពេលរងការបំផ្លាញពីជំងឺធ្វើអោយរុក្ខជាតិឈប់លូតលាស់ ជ្រុះស្លឹក ស្វិតស្រពោនយ៉ាងលឿន ។
២ គល់ដំណាំ
• គល់ដំណាំ ពេលរងការបំផ្លាញពីជំងឺគល់ដំណាំមានពណ៌ក្រម៉ៅប្រផះ ឫសដាច់ត្រឹមគល់ ហើយផ្សិតនៅគល់ ។
៣ ដើម មែក
• ដើមមែក ពេលរងការបំផ្លាញពីជំងឺធ្វើអោយប្រព័ន្ធដឹកនាំរុក្ខរសត្រូវរាំងស្ទះហើយរោគសញ្ញាឃើញមានលើស្លឹក ផ្កា និងផ្លែ ។
៤ ស្លឹក
• ស្លឹកមាន៖
• ជំងឺរលាក បង្កអោយបែកញើសក្រោមស្លឹកប្រែជាស្លោកបាក់រលួយ ។
• ជំងឺអុច មានអុចៗ ពណ៌ច្រេះលើផ្ទៃស្លឹកខាងក្រោមហើយឆ្លងដល់ផ្ទៃស្លឹកខាងលើ ។
• ជំងឺក្រាភ្លើង មានស្លឹកពណ៌ក្រហម(រួញដូចនំក្រៀប)និងឆ្លងរាលដាលពេលអាកាសធាតុស្ងួត ។