ធ្មេញមិនល្អបណ្តាលឱ្យខូចសុខភាព ព្រោះធ្មេញមិនល្អនាំឱ្យឈឺចាប់ ហើយទំពាអាហារមិនបានម៉ដ្ឋល្អ ធ្វើឱ្យប្រដាប់រំលាយអាហារធ្វើការច្រើននិងហត់ខ្លាំងដែល
បណ្តាលឱ្យឈឺក្រពះនិងពោះវៀន។

ថ្លើមមានមុខងារដូចជា ៖
• ថ្លើមផលិតទឹកប្រម៉ាត់ដែលចូលរួមក្នុងការរំលាយខ្លាញ់ក្នុងអាហារ
• ថ្លើមត្រួតពិនិត្យជាតិស្ករនៅក្នុងឈាម
• ថ្លើមបំបាត់ជាតិពុលនៅក្នុងឈាម
• ថ្លើមស្តុកជាតិដែក
• ថ្លើមស្តុកវីតាមីន។ វីតាមីន A និង Dស្តុកក្នុងថ្លើមរហូតដល់សារពាង្គកាយត្រូវការវា
• ថ្លើមផលិតប្រូតេអ៊ីនប្លាស្មាដូចជាភីប្រ៊ីណូសែន
• ថ្លើមផលិតកម្ដៅ។

សារធាតុចិញ្ចឹមត្រូវបានប្រើប្រាស់ដូចជា៖
• ស្ករងាយ : នៅក្នុងឈាមស្ករធ្វើដំណើរទៅសាច់ដុំ ដើម្បីផ្ដល់ថាមពល។ ស្ករលើសត្រូវស្តុកទុកនៅក្នុងថ្លើមក្រោមទម្រង់ជាគ្លីកូសែន។
• អាស៊ីតអាមីនេ : នៅក្នុងឈាម អាស៊ីតអាមីនេធ្វើដំណើរទៅកាន់សរីរាង្គផ្សេងៗដើម្បីបង្កើតប្រូតេ-អ៊ីនសម្រាប់ការលូតលាស់និងការជួសជុល ។ អាស៊ីតអាមីនេខ្លះទៀតស្ថិតនៅក្នុងថ្លើមបង្កើត
ប្រូតេអ៊ីននៅក្នុងឈាម។
ឧទាហរណ៍ ភីប្រ៊ីណូសែនសម្រាប់កំណក-
ឈាម។ អាស៊ីតអាមីនេលើសត្រូវបានបំបែកហើយផ្ដល់ជាថាមពល។
• វីតាមីន : ស្តុកក្នុងថ្លើម និងបញ្ចេញទៅក្នុងឈាមនៅពេលត្រូវការ។