ចលនាដែលកើតឡើងនៅតំបន់មជ្ឈិមបូព៌ាមាន៖
• ជាតិនិយមរបស់ប្រជាជនដែលត្រូវគេជិះជាន់ប្រឆាំង នឹងពួកអាណានិគមនិយម។
• ពួកមហាអំណាចបារាំង អង់គ្លេស បានធ្វើ ឱ្យស្ថានភាព នយោបាយកាន់តែតានតឹងខ្លាំងឡើងដើម្បីពង្រីកឥទ្ធិពលរបស់ខ្លួន ។

បញ្ហាដែលកើតឡើងក្រោយចម្បាំងចក្រភព អូសទ្រីស.ហុងគ្រីគឺ៖
• ក្រោយចម្បាំងមានរដ្ឋថ្មីៗ ជាច្រើនបានចាប់កំណើតនៅតំបន់នោះដូចជារដ្ឋ ឆេកូស្លូវ៉ាគី រដ្ឋរូម៉ានី រដ្ឋយូកូស្លាវី ជាដើម។
• អាណាចក្រអូទ្រីស.ហុងគ្រីត្រូវបែកចេញជារដ្ឋពីរគឺ រដ្ឋអូទ្រីសមួយ និងរដ្ឋហុងគ្រីមួយទៀត ។
• ប្រទេសទាំងពីរចាញ់សង្គ្រាមពុំសុខចិត្តគោរព និងអនុវត្តន៍សន្ធិសញ្ញាអន្តរជាតិហើយទទួចតវ៉ាសុំសើរើសន្ធិសញ្ញាខាងលើវិញព្រមទាំងគំរាម គំហែងរដ្ឋដទៃទៀតក្នុងតំបន់នោះ ។

លោកហ្រ្វង់កូចាប់ផ្តើមធ្វើសកម្មភាពក្បត់ក្នុងប្រទេសអេសស្ប៉ាញក្នុងខែកក្តដា ឆ្នាំ១៩៣៦ដោយមានការគាំទ្រពីអាល្លឺម៉ង់ និងអ៊ីតាលី។ ហើយប្រទេសនេះបានផ្តល់ជំនួយដូចជា៖
• យន្តហោះចម្បាំង
• គ្រឿងសព្វាវុធ
• កងកម្លាំងទ័ពជាច្រើនជាជំនួយ។

នយោបាយសម្ពន្ធ័ភាពត្រីភាគីប៊ែឡាំង.រ៉ូម.តូក្យូមាន៖
• បែងចែកពិភពលោកដោយកម្លាំងបាយ ប្រើកម្លាំងយោធាឈ្លានពាន
• ប្រយុទ្ធប្រឆាំងនឹងបក្សកុម្មុយនីស្តអន្តរជាតិ ។