សិង្ហបុរីបានផ្តាច់ខ្លួនពីសហព័ន្ធម៉ាឡេស៊ីនៅឆ្នាំ
១៩៦៥ ដឹកនាំដោយលោក លី ក្វាន់យូ ដោយសារ
មានប្រជាជនចិនភាគច្រើន ៧៥%ម៉ាឡេស៊ី
១៤ % ឥណ្ឌា ៩ % និង២ %ជាជនជាតិផ្សេងៗ។

រដ្ឋម៉ាឡេស៊ីបានចាប់កំណើតនៅតំបន់ភូមិភាគ
អាស៊ីអាគ្នេយ៏ ដែលមានប្រព័ន្ធនយោបាយតាមបែប
លោកខាងលិច ជាពិសេសតាមទម្រង់រដ្ឋាភិបាល
អង់គ្លេស ។

នៅឆ្នាំ ១៩៥២ មានការចរចាគ្នាបង្កើតរដ្ឋាភិបាលកណ្ដាលមួយ ដែលអង្គការនេះត្រូវបានសម្របសម្រួលដឹកនាំដោយលោក ទុនគូអាប់ឌុលរ៉ាម៉ាន់។

មូលហេតុដែលបណ្ដាលឱ្យឧបទ្វីបម៉ាឡេស៊ី ពិបាកក្នុងការបង្កើតជារដ្ឋាភិបាលសម្ព័ន្ធមួយឡើង ដោយសារ ឧបទ្វីបម៉ាឡេស៊ីជាដែនដីចម្រុះជាតិសាសន៍ ហើយសហគមន៍នីមួយៗសុទ្ធតែមានអត្តសញ្ញាណរៀងៗខ្លួនដូចជា អំបូរ ភាសា អក្សរ និងសាសនាជាដើម ហើយសុទ្ធតែអះអាងនូវមោទនភាព រៀងៗខ្លួន។

ចលនាជាតិនិយមម៉ាឡេស៊ីមាន ៣គឺ៖
• ចលនាទី១ គឺអង្គការឯកភាពជនជាតិម៉ាឡេស៊ី បង្កើតឡើងក្នុងឆ្នាំ ១៩៤៦
• ចលនាទី២ គឺគណបក្សកុំមុយនីស្តម៉ាឡេស៊ី បង្កើតឡើងក្នុងឆ្នាំ ១៩៤៨
• ចលនាទី៣ គឺអង្គការសមាគមចិនម៉ាឡេស៊ី បង្កើតឡើងក្នុងឆ្នាំ ១៩៥៥។