ចលនាជាតិនិយមម៉ាឡេស៊ីមាន ៣គឺ៖
• ចលនាទី១ គឺអង្គការឯកភាពជនជាតិម៉ាឡេស៊ី បង្កើតឡើងក្នុងឆ្នាំ ១៩៤៦
• ចលនាទី២ គឺគណបក្សកុំមុយនីស្តម៉ាឡេស៊ី បង្កើតឡើងក្នុងឆ្នាំ ១៩៤៨
• ចលនាទី៣ គឺអង្គការសមាគមចិនម៉ាឡេស៊ី បង្កើតឡើងក្នុងឆ្នាំ ១៩៥៥។

ពេលត្រឡប់មកវិញ ពួកអង់គ្លេសចង់បញ្ចូលរដ្ឋ
ទាំង១១ទៅក្នុងសហព័ន្ធម៉ាឡេស៊ីតែមួយ ដែលត្រួតត្រាដោយអង់គ្លេស និងប្រកាសលើកទឹកចិត្តដល់សហគមន៍នីមួយៗ មានសិទ្ធិជាពលរដ្ឋដូចៗគ្នា។

នៅឧបទ្វីបម៉ាឡេស៊ី ជប៉ុនបាន៖
• លើកទឹកចិត្តឱ្យទុកពួកម៉ាឡេស៊ីជាមិត្ត
• មានការរាប់អានទៅលើសាសនាអ៊ីស្លាម
• ទោរទន់ទៅលើវប្បធម៌ម៉ាឡេស៊ី
• យកជនជាតិម៉ាឡេស៊ីធ្វើជាទាហាន
• បញ្ចូលពួកម៉ាឡេស៊ីទៅក្នុងជួរមន្ត្រីរដ្ឋាភិ
បាលស៊ីវិល
• ចំនែកពួកចិន ចាត់ទុកជាអតីតគូសត្រូវ
(ក្នុងសង្រ្គាមចិន ជប៉ុន) ហើយបានបង្ក្រាបពួកនេះយ៉ាងឃោរឃៅជាទីបំផុត
• ចំណែកជនជាតិឥណ្ឌា ត្រូវជ្រើសរើសជា
កងទ័ពសម្រាប់ជំនួយក្នុងការឈ្លានពានប្រទេសឥណ្ឌា។

បានជាមហាអំណាចទ្វីបអាស៊ី(ជប៉ុន) មានលទ្ធភាពតាំងរបបអាណានិគមលើអាស៊ីអាគ្នេយ៏បានដោយសារអង់គ្លេស ក៏ដូចជាអាណានិគមអឺរ៉ុបផ្សេងទៀត ត្រូវរង្គោះរង្គើទាំងផ្នែកសេដ្ឋកិច្ច និងយោធា ដោយសារមហន្តរាយនៃសង្រ្គាមលោកលើកទី២ដែលធ្វើឱ្យមហាអំណាចនៅអឺរ៉ុបចុះខ្សោយ មហាអំណាចទ្វីបអាស៊ីដែលកំពុងមានសេដ្ឋកិច្ចរីកចម្រើនបានប្ដូរវេនជំនួសពួកអឺរ៉ុប។

ពួកអង់គ្លេសកាន់កាប់ចក្រភពម៉ាឡាកានៅឆ្នាំ ១៨៦៧ ។ ទទួលបានសិទ្ធិផ្ដាច់មុខ យកពន្ធដារលើមុខទំនិញចេញចូលនៃពាណិជ្ជកម្មអន្តរជាតិ។