ក្រុមប្រឹក្សាភិបាល៖ មានតួនាទីទទួលបន្ទុកគ្រប់គ្រងផ្នែករដ្ឋបាលលើប្រទេសទាំងឡាយណាដែលនៅក្រោមអាណានិគមរបស់គេ ។

មហាសន្និបាត ៖ ធ្វើឡើងខែកញ្ញានិងបញ្ចប់វិញនៅមុនបុណ្យណូអែល ។ ភាសាប្រើជាផ្លូវការមាន៖
• ភាសាអង់គ្លេស
• ភាសាបារាំង
• ភាសាអេស្ប៉ាញ
• ភាសាអារ៉ាប់
• ភាសារុស្ស៊ី
• និងភាសាចិន ។

គោលការណ៍របស់អង្គការសហប្រជាជាតិមាន៖
• មានសមភាព និងអធិបតេយ្យភាពរវាងសមាជិកទាំងអស់ ។
• សមាជិកទាំងអស់មានកាតព្វកិច្ចដោយធ្វើតាម និងជឿលើធម្មនុញ្ញអង្គការសហប្រជាជាតិ ។
• សមាជិកទាំងអស់ត្រូវចូលរួមដោះស្រាយរាល់ ជម្លោះអន្តរជាតិ ។
• សមាជិកទាំងអស់ត្រូវជួយឧបត្ថម្ភដល់អង្គការនេះហាមឧបត្ថម្ភរដ្ឋណាដែលអង្គការបានរឹតត្បិត
• អង្គការសហប្រជាជាតិត្រូវធ្វើយ៉ាងណាឱ្យរដ្ឋដែលមិនមែនជាសមាជិកគោរពច្បាប់ជាចាំបាច់ដើម្បីទ្រទ្រង់សន្តិភាពពិភពលោក ។
• ធម្មនុញ្ញមិនអនុញ្ញតឱ្យអង្គការសហប្រជាជាតិធ្វើអន្តរាគមន៍លើកិច្ចការផ្ទៃក្នុងរដ្ឋណាឡើយ ។

ខ្លឹមសារធម្មនុញ្ញសហប្រជាជាតិមាន១៩ជំពូក និង១១១មាត្រាដែលមានគោលបំណងសំខាន់ៗបី គឺ ៖
• ទី១ រួមរស់នៅក្នុងសន្តិភាព រួបរួមកម្លាំងគ្នាដើម្បីថែរក្សានូវសន្តិភាព និងសន្តិសុខអន្តរជាតិ។
• ទី២ អនុវត្តគោលការណ៍ច្បាប់ដោយមិនប្រើប្រាស់កម្លាំងអាវុធ លើកលែងតែករណីចាំបាច់ដើម្បីផលប្រយោជន៍រួម ។
• ទី៣ ពឹងផ្អែកលើស្ថាប័នអន្តរជាតិដើម្បីជួយឱ្យមានវឌ្ឈនភាពខាងវិស័យសេដ្ឋកិច្ចនិងសង្គមដល់ប្រជាពលរដ្ឋទាំងឡាយ។