៥. ទ្រីសូមីទី២១ គឺគ្មានការផ្តាច់ចេញនៃគូក្រូម៉ូសូមអូមូឡូកទី២១ទេនៅចំណែកមេយ៉ូសក្នុងពេលកំណកាម៉ែត ។ បានជាក្មេងអាចកើតទ្រីសូមីទី២១ មកពីនៅចំណែកមេយ៉ូសក្នុងពេលកំណកាម៉ែតគ្មានការផ្តាច់ចេញនៃក្រូម៉ូសូមអូមូឡូកទី២១ទេ ។ ដូចនេះចំពោះកាម៉ែតដែលកើតឡើងគឺមានកាម៉ែតម្យ៉ាងដែលមានគូក្រូម៉ូសូមទី២១ ដល់ទៅ ២ និងកាម៉ែតម្យ៉ាងទៀតគ្មាននក្រូម៉ូសូមទី២១សោះ ។ នៅពេលបង្កកំណើតបើកាម៉ែតដែលមានក្រូម៉ូសូមទី២១ ចំនួន២ ទៅជួបការម៉ែតធម្មតានោះនិងកើតឡើងស៊ីកូតដែលមានក្រូម៉ូសូមទី២១ ដល់ ៣ ។

លក្ខណៈខុសគ្នារវាងប្រេងនិងខ្លាញ់ៈ
• ប្រេង គឺជាលីពីតកើតពីអាស៊ីតខ្លាញ់មិនឆ្អែត ។
• ខ្លាញ់ គឺជាលីពីតកើតពីអាស៊ីតខ្លាញ់ឆ្អែត ។

រសរំលាយអាហារនិងអង់ស៊ីមខុសគ្នាត្រង់ៈ
រសរំលាយអាហារៈ គឺបញ្ចេញដោយក្រពេញរំលាយអាហារ ( ក្រពេញទឹកមាត់ ថ្លើម លំពែង និងពោះវៀនតូច ) សម្រាប់រំលាយអាហារ ។
អង់ស៊ីមៈ ជាប្រូតេអ៊ីន មួយប្រភេទជួយបង្កើនល្បឿនប្រតិកម្មរំលាយអាហារ ។

បានជាជ្រំាងពោះវៀនបង្កើនផ្ទៃសម្រូបអាហារ ព្រោះផ្ទៃខាងក្នុងនៃពោះវៀនតូចមានភាពរដិតរដុបផុសឡើងច្រើនដូចម្រាមដៃ ។