បារាំងនឹងអេស្ប៉ាញលើកទ័ពទៅវៀតណាមខាងត្បូង ចូលដល់ទីក្រុងដាណាង នៅថ្ងៃទី០១ ខែ កញ្ញា ឆ្នាំ ១៨៥៨ ដើម្បីជួយប្រទេសស្រោចស្រង់ជីវិតពួកអ្នកផ្សព្វផ្សាយសាសនាកាតូលិក ដែលនៅសេសសល់ពីការកាប់សំណប់របស់ស្តេច អណ្ណាម ។

បារាំងចូលកាន់កាប់ក្រុងព្រៃនគរនៅថ្ងៃ១៨ ខែ កុម្ភះ ឆ្នាំ ១៨៥៩ ។

ក្រោយពេលទទួលបានសំណឹងថា បារាំងចូលត្រួតត្រាព្រៃនគរ ព្រះបាទអង្គឌួងបានធ្វើបញ្ជូនកងទ័ពមួយកងទៅកាន់ខេត្ត មាត់ជ្រូកក្នុងបំណង បង្ហាញថាទឹកដីកម្ពុជាក្រោមជាទឹកដីរបស់ខ្មែរ ប៉ុន្តែគួរឲ្យស្តាយ បំណងនេះត្រូវអាកខាន ដោយព្រះអង្គឌួង ចូលទិវង្គតនៅថ្ងៃទី ១៤ ខែ តុលា ឆ្នាំ ១៨៦០ នារាជធានី ឩដុង្គ ។

ភាពទាក់ទាញបារាំងឲ្យចង់ចូលមកត្រតត្រាប្រទេសកម្ពុជាមាន ៖ • ទេសភាពដ៏ស្រស់ត្រកាលនៅអមប្រាំងទន្លេទាំងសង់ខាងមានដំណាំខៀវស្រងាត់ដូចជា សណ្តែក ល្ង ពោត និងបន្លែលាយឡំនិងដើម ឈើហូបផ្លែជាច្រើនប្រភេទ ។ • ប្រទេសកម្ពុជាសម្បូរទៅដោយទន្លេ ដែលជាផ្លូវគមនាគមន៍យ៉ាងសំខាន់សម្រាប់ដឹកជញ្ជូនផលិតផលកសិកម្មទៅកាន់ទីផ្សារអឺរ៉ុប ។ • កម្ពុជាមានផ្ទៃដីកសិកម្មច្រើនហើយប្រជាជនតិចពួកបារាំងនឹងអាចបង្កើតដីដាំដំណាំកសិកម្មបានច្រើន ។ • ប្រទេសកម្ពុជាសម្បូរទៅដោយព្រៃនិងភ្នំ ប្រកបដោយលើដែល មានគុណភាពខ្ពស់ ។ • នៅក្រោមដីកម្ពុជាសម្បូរទៅដោយរ៉ែជាច្រើនប្រភេទ ។

ព្រះបាទអង្គឌួងមានបុត្រាចំនួនបីអង្គគឺ ៖ • ព្រះបាទនរោត្តម ( អង្គវតី ) • ព្រះបាទស៊ីសុវត្ថិ ( អង្គសូ ) • ស៊ីវត្ថា ។

បានជាមានចលនាបះបោរពេញផ្ទៃប្រទេសប្រឆាំងនឹងការ លើកក្សត្រអង្គវតីឲ្យឡើងសោយរាជ្យព្រោះដោយសារក្សត្រអង្គនេះពុំមានប្រជាប្រិយភាពផងហើយថែមទាំងមានការច្រណែនពីព្រះអនុជពីរព្រះអង្គទៀតគឺអង្គសូនិង ស៊ីវត្ថា ។

នៅពេលដែលក្សត្រអង្គវតីរត់ចេញទៅបាងកកនៅឆ្នាំ ១៨៦១ ព្រះបាទស៊ីសុវត្ថិបានទទួលរ៉ាប់រងកិច្ចការប្រទេសជាតិជំនួសអង្គវតី និងបានរុញច្រាន ចលនាបះបោរដឹកនាំដោយស៊ីវត្ថាឲ្យថយទៅប៉ែកខាងជើងប្រទេស ។

ក្សត្រអង្គវតីវិលត្រឡប់ពីសៀមមកក្រុងឩដុង្គវិញនៅខែមីនាឆ្នាំ ១៨៦២ បព្វជិតកាតូលិកមួយអង្គបានផ្ញើសារទៅកុងស៊ុយបារាំងនៅបាងកក ឲ្យជួយធ្វើអន្តរាគមន៍ឲ្យក្សត្រព្រះអង្គនេះត្រឡប់មាតុប្រទេសវិញ ។

សន្ធិសញ្ញាបារាំងខ្មែរចុះថ្ងៃ ១១ សីហា ១៨៦៣ ធ្វើឡើងដោយ អគ្គទេសាភិបាលបារាំងប្រចាំកូសាំងស៊ីន ដីឡាក្រងឌីយែរ និងមហាឩបរាជកម្ពុជា ព្រះបាទ នរោត្តម ។

ព្រះបាទអង្គឌួងទ្រង់មានព្រះតម្រិះថា ប្រទេសកម្ពុជាកាន់តែធ្លាក់ដុនដាប ទៅនឹងឈានទៅដល់ការបែងចែកទឹកដីតាមមហិច្ឆតាឈ្លានពាន របស់ប្រទេសទាំងពីរគីយួននិងសៀម ដោយគ្រោងយកទន្លេមេគង្គ ជាព្រំប្រទេស ហើយពេល នោះប្រទេសកម្ពុជានឹងត្រូវបាត់ឈ្មោះពីផែនទីពិភពលោក ។