ប្រទេសសៀមបានប្តូរឈ្មោះមកជា ថៃឡង់ដ៍នៅឆ្នាំ១៩៣២ ។ ដោយសារនៅថ្ងៃទី ២៤ ខែមិថុនា ១៩៣២ ជនបង្កប់នៅក្នុងជួរយោធានិងការិយាល័យជាន់ខ្ពស់បាន ក្រោកឈរឡើងធ្វើរដ្ឋប្រហារលើរបបរាជានិយមផ្តាច់ការ ហើយព្រះចៅ ប្រាយ៉ាហិប៉ុក បានបង្ខំចិត្តទទួលយករដ្ឋធម្មនុញ្ញថ្មីនិងបានប្តូរឈ្មោះប្រទេសជារាជាណាចក្រថៃឡង់ដ៍ ។

ប្រទេសថៃមានរដ្ឋប្រហារធំៗចំនួន ៣ លើក ។

មូលហេតុបានកើតមានវិបត្តិនយោបាយនៅក្នុងប្រទេសថៃពីឆ្នាំ ២០០៦-២០១០ គឺ • នៅឆ្នាំ ២០០៦ នាយករដ្ឋមន្ត្រីថៃ តាក់ស៊ីន ស៊ីណាវ៉ាត្រា ត្រូវបានគេចោទប្រកាន់ពីបទអំពើពុករលួយជាមួយប្រទេសជិតខាងដូចជា កម្ពុជាមីយ៉ាន់ម៉ា សិង្ហបុរី.. • បញ្ហាទាំងអស់នេះ និងពាក្យបណ្តឹងផ្សេងៗទៀតបានដាក់ជូនរដ្ឋសភាព្រះមហាក្សត្រនិងការរិះគន់របស់ឩត្តមសេនីយ៍៍សុនធីប៊ុនយ៉ារ៉ាត់គ្លីន • នៅថ្ងៃទី១៩ ខែសីហា ឆ្នាំ ២០០៦ លោកឩត្តមសេនីយ៍សុនធី ប៊ុនយ៉ារ៉ាត់គ្លីន បានដឹកនាំរដ្ឋប្រហារយោធាមួយគ្មានការបង្ហូរឈាម ទម្លាក់លោកតាក់ស៊ីនពីនាយករដ្ឋមន្ត្រី និងនិរទេសខ្លួនលោកទៅបរទេស ។

រដ្ឋប្រហារប្រទេសថៃនៅឆ្នាំ ១៩៣២ និងរដ្ឋប្រហារយោធាផ្តាច់ការឆ្នាំ ១៩៩១ មានលក្ខណៈខុសគ្នាត្រង់ ៖ • រដ្ឋប្រហារឆ្នាំ ១៩៣២ ៖ ជារដ្ឋប្រហារលើរបបរាជានិយមផ្តាច់គ្នាដោយគ្មានការបង្ហូរឈាម ។ • រដ្ឋប្រហារឆ្នាំ ១៩៩១ ៖ ជារដ្ឋប្រហារយោធាផ្តាច់ការ ដើម្បីទម្លាក់នាយករដ្ឋមន្ត្រី ។

ប្រទេសម៉ាឡេស៊ីធ្លាប់ស្ថិតនៅក្រោមអាណានិគមប្រទេសព័រទុយហ្កាល់ ប្រទេសហូឡង់ ចក្រភពអង់គ្លេស ។ ហើយចង់ក្រោយគឺចក្រភពអង់គ្លេស ពីឆ្នាំ ១៨១៥ ។

ប្រជុំកោះឥណ្ឌូណេស៊ីមានរដ្ឋ២ បែបធំៗ គឺរដ្ឋនៅតាមឆ្នេរសមុទ្រនិងរដ្ឋកោះ ។ • រដ្ឋនៅតាមឆ្នេរសមុទ្រ ៖ ស្ថិតនៅតាមពាម តាមទន្លេប្រកបដោយផែល្អៗ ចាកផុតពីគ្រោះថ្នាក់ទាំងពួង ហើយមានការពឹងពាក់លើពាណិជ្ជកម្មតាមតំបន់និងអន្តរជាតិ • រដ្ឋកោះ ភាគច្រើនពឹងលើផលិតផលកសិកម្មគ្រប់បែបយ៉ាងដែលបានមកពីបន្ទុះភ្នំភ្លើង (ដីក្រហម) និងតំបន់ដីល្បាប់ ។

បានជាកងទ័ពវៀតណាមខាងជើងទទួលជ័យជំនះលើកងទ័ពវៀតណាមខាងត្បូងនិងសហរដ្ឋអាមេរិក ព្រោះ ៖ • ប្រទេសលោកខាងលិចនិងសម្ព័ន្ធមិត្តរបស់សហរដ្ឋអាមេរិកបានថ្កោលទោសយ៉ាងខ្លាំងចំពោះអាមេរិក • មានបាតុកម្មនៅសហរដ្ឋអាមេរិកមិនឱ្យធ្វើសង្រ្គាមនៅវៀតណាម • សហរដ្ឋអាមេរិកបានចំណាយអស់ធនធានយ៉ាងច្រើន ជាពិសេសបាត់បង់ជីវិតកងទ័ព និងបន្សល់ទុកជនពិការដោយសារសង្រ្គាម • ពួកកុំមុយនីសមានកម្លាំងច្រើននិងប្រកបដោយបទពិសោធខ្ពស់ក្នុងការធ្វើសឹកសង្រ្គាម • សហភាពសូវៀតនិងចិនប្រជាមានិតបានជួយឩបត្ថម្ភគ្រឿងសព្វាវុធដល់វៀតណាមកុំមុយនីស ហើយគេប្រឹងប្រែងបញ្ចៀសការចូលប្រយុទ្ធនៅលើសមរភូមិដោយផ្ទាល់ ។

បានជាក្រោយសង្រ្គាមឆ្នាំ ១៩៧៥ សេដ្ឋកិច្ចវៀតណាមត្រូវហ៊ុមព័ន្ធដោយលោកខាងលិចព្រោះ • វៀតណាមរស់នៅដោយការកាត់ផ្តាច់ពីទំនាក់ទំនងនៃពិភពខាងក្រៅមានតែសហភាពសូវៀតទេដែលផ្តល់ជំនួយដល់វៀតណាម • ប្រទេសវៀតណាមប្រកាន់យករបបសង្គមនិយម ។

ដើម្បីអភិវឌ្ឍសេដ្ឋកិច្ចវៀតណាម “ជួយម៉ឺយ” មានគោលការណ៍ជាមូលដ្ឋានដូចខាងក្រោម • កំណែទម្រង់រ៉ាឌីកាល់ទៅលើរចនាសម្ព័ន្ធសេដ្ឋកិច្ចទាំងស្រុង និងបើកទ្វារផ្តល់លទ្ធភាពដល់សហគ្រិនធ្វើសកម្មភាពនៅក្នុងបប្រព័ន្ធសេដ្ឋកិច្ចទីផ្សារ • ទីផ្សារសេដ្ឋកិច្ច ដោយឈរលើគោលការណ៍នៃបក្សកុំមុយនីសជាបក្សដឹកនាំ ដើម្បីថែរក្សាស្ថេរភាពនយោបាយនៅក្នុងសង្គម កសាងទំនាក់ទំនងល្អលើនយោបាយការបរទេសក្នុងឆាកអន្តរជាតិនិងតំបន់ ដើម្បីជំរុញប្រទេសចេញឱ្យផុតពីស្ថានភាពហ៊ុមព័ន្ធនិងការដាក់ទណ្ឌកម្មសេដ្ឋកិច្ច និងជំរុញប្រទេសឱ្យចូលរួមក្នុងសមាហរណកម្មនយោបាយនិងសេដ្ឋកិច្ចលើសកលលោក ។

សហព័ន្ធម៉ាឡេស៊ីមានរដ្ឋសមាជិកចំនួន ១៣ រដ្ឋ គឺមួយផ្នែកស្ថិតនៅលើឩបទ្វីបម៉ាឡេស៊ីមាន ១១រដ្ឋ និងមួយផ្នែកទៀតមានរដ្ឋពីរ គឺសារ៉ាវ៉ាក់ និងសាបា ។