• ប្លាស្មា គឺជាធាតុបង្ករបស់ឈាមដែលមានបរិមាណ ជាតិទឹក90%។ ប្លាស្មាមាននាទីដឹកនាំឧស្ម័នកាបូន ឌីអុកស៊ីត។ (ក្នុងដំណើរឧស្ម័នដង្ហើម ប្លាស្មាមាននាទីដឹកនាំឧស្ម័នកាបូន ឌីអុកស៊ីត។ )

អេម៉ូក្លូប៊ីនជាប្រូតេអ៊ីនដែលមានធាតុដែក។ អាតូមដែកអាចភា្ជប់ទៅនឹងម៉ូលេគុលអុកស៊ីសែន។ ក្នុង បរិយាកាសមានអុកស៊ីសែនច្រើន អេម៉ូក្លូប៊ីនផ្សំជាមួយ អុកស៊ីសែនបង្កើតបានជាអុកស៊ីអេម៉ូក្លូប៊ីនដែលមាន ពណ៌ក្រហមស្រស់។

ដំណើរប្រព្រឹត្តនៃសរីរាង្គក្នុងសារពាង្គកាយ ត្រូវការ ថាមពល។ ដើម្បីឱ្យបានថាមពលនេះ កោសិកាបំបែក គ្លុយកូស ឬអាហាររលាយផ្សេងៗឱ្យទៅជាម៉ូលេគុល តូចៗ។ ការបំបែកគ្លុយកូសដោយមានវត្តមាន អុកស៊ីសែនប្រព្រឹត្តទៅតាមប្រតិកម្មគីមីជាច្រើន។ អង់ស៊ីមយថាប្រភេទផ្សេងៗមាននាទីជម្រុញប្រតិកម្មគីមីទាំងនេះ។

សួតទាំងពីរមានកូនថង់សួតប្រហែល300លាន។ បាតុភូតបណ្ដូរឧស្ម័នកើតឡើងនៅក្នុងកូនថង់សួត។ ឧស្ម័នឆ្លងកាត់ភ្នាសកូនថង់សួត និងភ្នាសសរសៃប្ដូរតាម បន្សាយ។ ឧស្ម័នអុកស៊ីសែនចាកចេញពីកូនថង់សួត ចូលទៅក្នុងសរសៃប្ដូរ។ តែឧស្ម័នកាបូនិចចេញពីសរសៃ ប្ដូរចូលទៅក្នុងកូនថង់សួតវិញ។

ចលនាដង្ហើម ត្រួតពិនិត្យដោយមជ្ឈមណ្ឌលប្រសាទ ដែលស្ថិតនៅខួរកញ្ចឹងក។