ក្រពេញនៅក្នុងស្បែកមានចំនួន 2 បែបគឺ៖
• ក្រពេញសេបូម : មាននៅគ្រប់កន្លែងទាំងអស់ក្នុងសារពាង្គកាយ លើកលែងតែបាតដៃនិងបាតជើង។ ក្រពេញនេះ បញ្ចេញល្បាយនៃរូបធាតុខ្លាញ់និងកម្ទេចកំទីកោសិកានៅក្នុងឬសរោម តាមបំពង់ខ្លីមួយឬបំពង់បើកចំហនៅលើផ្ទៃស្បែក។ ម៉្យាងទៀតសេបូមមាននាទីដូចជារបាំងទប់ទល់នឹងជំងឺដែលបង្កដោយបាក់តេរីនិងផ្សិត។ របាយនៃក្រពេញសេបូមគឺមាន 100 ក្នុងក្រពេញផ្ទៃស្បែក 1cm2។ ចំនួននេះអាចកើនឡើងពី 400 -900/ cm2 នៅលើស្បែកផ្ទៃមុខឬក្បាល។
• ក្រពេញញើស : មានស្ទើគ្រប់កន្លែងទាំងអស់នៅក្នុងស្បែក ហើយមានរាងជាបំពង់ឆ្មាៗ។ ក្រពេញនេះ មានរាងមូលដូចបាល់។ ក្រពេញញើសបញ្ចេញទឹក សារធាតុខនិជ អ៊ុយរ៉េ និងសារធាតុផ្សេងៗទៀតតាមរយៈការបែកញើស។ សមាសភាពរបស់ញើសស្រដៀងគ្នានឹងសមាសភាពរបស់ទឹកនោមរាវ។ក្នុងរយៈពេល 24 ម៉ោងសារពាង្គកាយបញ្ចេញញើសបានពី 500-600 ml។ម្យ៉ាងទៀតមានក្រពេញញើសមួយប្រភេទ គឺ ក្រពេញអាប៉ូគ្រីនដែលបញ្ចេញញើសមានក្លិនអាក្រក់។ ក្រពេញអាប៉ូគ្រីនប្រមូលផ្ដុំនៅត្រង់ក្លៀក ក្រលាន និងជុំវិញដោះ។ នាទីសំខាន់របស់ក្រពេញញើសគឺ តម្រូវសីតុណ្ហភាពរបស់សារពាង្គកាយតាមរំហួតញើស។

ស្រទាប់ឌែមសម្បូរ៖
• សរសៃឈាម : ផ្គត់ផ្គង់សារធាតុចិញ្ចឹមដល់កោ-សិកា ហើយវាក៏ចូលរួមក្នុងការតម្រូវសីតុណ្ហ-ភាពរបស់ស្បែកផងដែរ។
• ចុងភីបប្រសាទ : ភ្ជាប់ជាមួយធ្មួលវិញ្ញាណ-
ផ្សេងៗរបស់ស្បែក។

ស្បែកមានចំនួន 2 ស្រទាប់គឺ៖
• ស្រទាប់អេពីឌែម គឺជាស្រទាប់កោសិកាក្រៅបង្អស់របស់សារពាង្គកាយ។ស្រទាប់នេះមាននាទីការពារសារពាង្គកាយពីគ្រោះថ្នាក់ផ្នែករូបនិងគីមី និងបង្កើតរបាំងទប់ទល់នឹងភ្នាក់ងារបង្ករោគផ្សេងៗ។
• ស្រទាប់អេពីឌែម គ្មានសរសៃឈាមទេ។ វាទទួលបានសារធាតុចិញ្ចឹមតាមរយៈបន្សាយដែលចេញពីសរសៃឈាមទេក្នុងស្រទាប់ឌែម។