អូវែ ផលិតអរម៉ូន 2 ប្រភេទគឺ៖
• អរម៉ូនអឺស្ត្រូសែន : ត្រូវបានផលិតចេញពីកោសិកាផូលីគុលនៃអូវែ ដោយឆ្លើយតបនឹងការភ្ញោចរបស់អរម៉ូន FSH ។ អរម៉ូននេះ មាននាទី-ធ្វើឱ្យស្រទាប់ភ្នាសសើមស្បូនឡើងក្រាស់ដោយបង្កើនចំណែកមីតូសនៃកោសិកា។ វាក៏មានឥទ្ធិពលទៅលើលក្ខណៈភេទបន្ទាប់របស់មនុស្សស្រីដែរ។ ពេលមានផ្ទៃពោះ សុកជាអ្នកបញ្ចេញអរម៉ូន អឺស្រ្តូសែន
• អរម៉ូនប្រូសេស្តេរ៉ូន : ការភ្ញោចរបស់អរម៉ូន LH បណ្ដាលឱ្យផូលីគុលដឺក្រាបផ្ទុះបែកនិងបញ្ចេញអូវុលមកក្រៅ។ ផូលីគុលផ្ទុះបែកនេះក៏បញ្ចេញអរម៉ូនប្រូសេស្តេរ៉ូននិងអឺស្ត្រូសែនផងដែរ។ អរម៉ូននេះ ភ្ញោចភ្នាសសើមស្បូនឱ្យឡើងក្រាស់ត្រៀមសម្រាប់កាច់សំបុក។ ប្រូសេស្តេរ៉ូនថែរក្សាគភ៌ ដោយបណ្ដាលឱ្យសាច់ដុំស្បូនសម្រាក។ វាក៏មានឥទ្ធិពលទៅលើការលូតលាស់របស់ក្រពេញដោះផងដែរ។ ប្រូសេស្តេរ៉ូន រួមជាមួយអឺស្ត្រូសែនមាននាទីយ៉ាងសំខាន់ក្នងការធ្វើនិយតកម្មវដ្ដភេទ។ អង្គលឿងបន្តការផលិតប្រូសេស្តេរ៉ូនរហូតដល់ខែទីបួននៃការមានផ្ទៃពោះ។ បន្ទាប់មកសុកបំពេញនាទីនេះបន្តទៀត។

វិធីព្យាបាលជំងឺទឹកនោមផ្អែមមានដូចជា៖
• មានរបបអាហារត្រឹមត្រូវ
• ត្រូវលេបឱសថឱ្យបានទៀងទាត់
• ចាក់អរម៉ូនអាំងស៊ុយលីនរៀងរាល់ថ្ងៃ។

• ជំងឺទឹកនោមផ្អែម ជាជំងឺដែលបណ្ដាលមកពីកោសិកាអ៊ីឡូឡង់សេរ៉ង់ផលិតអាំងស៊ុយលីនមិនបានគ្រប់គ្រាន់ បរិមាណគ្លុយកូសក្នុងឈាមកើនឡើង ហើយ តម្រងនោមមិនអាចស្រូបយកគ្លុយកូសទាំងអស់ឡើងវិញបាន។ ដូចនេះ គ្លុយកូសលើសត្រូវបានបញ្ចេញទៅក្នុងទឹកនោម។

• នាទីអរម៉ូនអាំងស៊ុយលីន គឺត្រួតពិនិត្យកំហាប់គ្លុយកូសនៅក្នុងឈាម។ នៅពេលកម្រិតគ្លុយកូសក្នុងឈាមឡើងខ្ពស់ កោសិកាបេតារបស់លំពែងបញ្ចេញអាំងស៊ុយលីន ដែលភ្ញោចកោសិកាគោលដៅឱ្យចាប់យកនិងប្រើប្រាស់គ្លុយកូស កោសិកាគោលដៅភាគច្រើនរបស់អាំងស៊ុយលីនជា កោសិកាថ្លើម កោសិកាសាច់ដុំជាប់ឆ្អឹង និងជាលិកាខ្លាញ់។ ម៉ូលេគុលគ្លុយកូស ដែលមិនត្រូវបានប្រើប្រាស់ ត្រូវបានស្តុកទុកក្រោមទម្រង់ជាគ្លីកូសែននៅក្នុងថ្លើមនិងសាច់ដុំជាប់ឆ្អឹង។ នៅក្នុងជាលិកាខ្លាញ់ ម៉ូលេគុលគ្លុយកូស លើសត្រូវបានបំប្លែងជាខ្លាញ់។ ដូចនេះអាំងស៊ុយលីនបង្កាមិនឱ្យមានកំណើនកម្រិតគ្លុយកូសក្នុងឈាម ក្រោយពេលបរិភោគអាហារ។ អាំងស៊ុយលីនក៏ចូលរួមបង្កើនអត្រាអុកស៊ីតកម្មគ្លុយកូសក្នុងកោសិកា។