វិធីភ្ជាប់ភ្នែក ជាវិធីដែលគេយកភ្នែករបស់ពូជល្អទៅភ្ជាប់ជាមួយដើមមេដែលជាប្រភេទរុក្ខជាតិដូចគ្នា។ នៅ ពេលណាភ្នែករបស់ដើមពូជល្អលូតលាស់ចេញជាមែក ទើបកាត់ផ្នែកខាងចុងនៃដើមមេចោល។

ការបង្កាត់ដោយមិនប្រើភេទផ្ដល់ប្រយោជន៍ដូចជា៖ • ប្រើប្រាស់រយៈពេលខ្លី។ • ទទួលបានផលឆាប់រហ័ស។ • បង្កើនចំនួនរុក្ខជាតិតាមតម្រូវការទីផ្សារ។ • សម្រាប់តាំងលំអ។ • ផ្លែសម្រាប់បរិភោគ។

ការបង្កាត់ដោយប្រើភេទមានពីរបែបគឺ៖ • ស្វ័យដំណើរលំអង គឺជាការផ្ទេរគ្រាប់លំអងពីប្លោកលំអងទៅស្ទិចម៉ាតនៃផ្កាតែមួយ។ • ដំណើរលំអងកាត់ គឺជាការផ្ទេរគ្រាប់លំអងរបស់ផ្កានៃរុក្ខជាតិមួយធ្លាក់លើស្ទិចម៉ាតរបស់ផ្កានៃរុក្ខជាតិផ្សេងទៀត។

បដិវត្តបៃតង គឹជាការកែប្រែលទ្ធភាពឬទិសដៅនៃដំណើរជីវិតរបស់រុក្ខជាតិនិងសត្វឱ្យបានទិន្នផលខ្ពស់ជាងមុន។

ជីធម្មជាតិ មានគុណវិបត្តិដូចជា ៖ • ពិបាកដឹកជញ្ជូន។ • មានក្លិនអាក្រក់។ • ផ្ដល់សារធាតុអាហារគ្រឹះដល់ដំណាំយឺតដោយប្រើរយៈពេលយូរ។ • ប្រើដំបូងផ្ដល់ទិន្នផលទាប។ • មានជំងឺឆ្លងមកជាមួយដូចជា ពងរុយ គ្រាប់ រុក្ខជាតិគ្មានប្រយោជន៍។ • អាចបាត់បង់ទៅតាមទឹកភ្លៀងហូរនាំទៅ ជាមួយ។ • ប្រើប្រាស់កន្លែងទុកដាក់ធំ។