នៅសប្ដាហ៍ទី៧ នៃការលូតលាស់ ការផ្លាស់ប្ដូរសំខាន់ៗកើត មានឡើង។ សរីរាង្គបន្តពូជដំបូងរបស់ភេទប្រុស ចាប់ផ្តើមលូត លាស់។ ពងស្វាសចាប់ផ្តើមផលិតអរម៉ូនតេស្តូស្តេរ៉ូន។ ដើម្បី ឆ្លើយតបទៅនឹងអរម៉ូននេះ ជាលិកានៃអំប្រ៊ីយ៉ុងលូតលាស់ទៅ ជាសរីរាង្គបន្តពូជរបស់ភេទប្រុស។ ចំណែកឯអំប្រ៊ីយ៉ុងភេទស្រី វិញ អូវែដំបូងផលិតអរម៉ូនអឺស្ត្រូសែន។ ដើម្បីឆ្លើយតបទៅអរម៉ូន នេះ ជាលិកានៃអំប្រ៊ីយ៉ុងលូតលាស់ទៅជាសរីរាង្គបន្តពូជភេទ ស្រី។ អរម៉ូនទាំងនេះជាអ្នកកំណត់នូវលក្ខណៈរូបសាស្ត្រ ភេទ ប្រុស ឬភេទស្រីរបស់អំប្រ៊ីយ៉ុង។ សរីរាង្គបន្តពូជញី និងឈ្មោល លូតលាស់ចេញពីជាលិកាតែមួយ នៅដំណាក់កាលអំប្រ៊ីយ៉ុង។

ប្រដាប់បន្តពូជមានសារៈសំខាន់ដូចជា៖
• ចាំបាច់ណាស់សម្រាប់ភាពបន្តនៃប្រភេទភាវរស់។
• បើគ្មានការបន្តពូជទេ ប្រភេទនីមួយៗនឹងត្រូវផុតពូជ។
• ផលិត ស្តុកទុក ចិញ្ចឹម និងបញ្ចេញកាម៉ែត។

កោសិកាមួយមានឯកទេសកម្មមានន័យថា កោសិកានោះបំពេញមុខងារមួយច្បាស់លាស់នៅក្នុងសារពាង្គកាយ។ ឧទាហរណ៍ : កោសិកាសាច់ដុំ មានឯកទេសក្នុងការធ្វើចលនា។ កោសិកាក្រពេញទឹកមាត់ មានឯកទេសក្នុងការបង្កើតអង់ស៊ីមអាមីឡាសក្នុងទឹកមាត់។