ភាពស៊ាំអកម្មជាភាពស៊ាំដែលបានមកពីអង់ទីករក្នុង ឈាមរបស់ម្ដាយបញ្ជូនទៅក្នុងឈាមកូននៅក្នុងផ្ទៃ។ អង់ទីករ ការពារទារកក្នុងរយៈពេលតែ ២-៣ខែតែ ប៉ុណ្ណោះ។

ថ្នាំបង្ការោគជាសារធាតុប្រើសម្រាប់ធ្វើវ៉ាក់សាំង។
ថ្នាំបង្ការោគមាននាទី ភ្ញោចប្រព័ន្ធប្រសាទឲ្យសកម្ម ក្នុងការសម្លាប់ ឬធ្វើឲ្យមេរោគចុះខ្សោយ។

វិធីបង្ការជំងឺឆ្លងមានដូចជា៖
• លាងសម្អាតដៃជានិច្ចមុនពេលបរិភោគអាហារ មុនពេលធ្វើម្ហូបនិងជាពិសេសក្រោយពេលចេញពីបង្គន់។
• ផឹកទឹកស្អាត(ដាំពុះ ទឹកចម្រោះ…)
• កុំងូតទឹកទន្លេ សមុទ្រដែលនៅក្បែរលូបង្ហូរ ទឹកស្អុយ។
• លាងសម្អាតមុខឱ្យបានស្អាតជាពិសេសនៅ ពេលយប់ ដោយប្រើសាប៊ូដែលមានគុណភាព សមស្របទៅតាមស្បែកមុខរបស់យើង។
• កុំប្រើប្រាស់ក្រាស់សិតសក់ ឬកន្សែងជូតខ្លួន រួមគ្នា។
• កក់សក់ឲ្យបានញឹកញាប់ជាមួយសាប៊ូកក់សក់ ដែលមានសារធាតុបំបាត់អង្គែ និងសម្លាប់ចៃ ជាពិសេសនៅរដូវក្ដៅ។
• ងូតទឹកឲ្យបានច្រើនដង ជាពិសេសនៅរដូវក្ដៅ។
ការងូតទឹកច្រើនដងអាចជួយឲ្យយើងចៀសផុតពីជម្ងឺស្បែក។
• ត្រូវផ្លាស់ប្ដូរសម្លៀកបំពាក់ឲ្យបានញឹកញាប់។
• ត្រូវចម្អិនអាហារឲ្យបានឆ្អិនល្អ មិនត្រូវទុកឱ្យ ផ្អូម បើចង់រក្សាទុកឱ្យបានយូរត្រូវទុកដាក់ អាហារក្នុងទូទឹកក។
• ត្រូវលាងសំអាតជើងនិងជូតឲ្យស្អាត ជាពិសេសនៅចន្លោះម្រាមជើងនីមួយៗ។ ត្រូវ ប្ដូរស្រោមជើងឲ្យបានរាល់ថ្ងៃ ហើយចៀសវាង ការប្រើប្រាស់ស្បែកជើងចង្អៀត។

ស្លេស្ម គឺជាជាតិរំអិលដែលមាននៅ រន្ធច្រមុះ បំពង់ខ្យល់ និងទងសួត។ ស្លេស្ម មាននាទីស្ទាក់ចាប់យក មេរោគ និងកម្ទេចធូលីនៅក្នុងខ្យល់ដង្ហើមរបស់យើង។