ភ្នែក មាននាទីប្រមូលផ្ដុំកាំរស្មីពន្លឺពីមជ្ឈដ្ឋានជុំវិញខ្លួនយើង ហើយបង្កើតជារូបភាពនិងប្រាប់ទៅខួរក្បាលនូវភាពខុសគ្នាបន្តិចបន្តួចពីភ្នែកខាងស្តាំ។ ខួរក្បាលចាប់
យករូបភាពរបស់ភ្នែកឆ្វេងនិងស្ដាំ ហើយសំយោគបញ្ចូលគ្នាទៅជារូបភាពតែមួយ។ លក្ខណៈផ្ដល់នូវគំហើញនៃវិ-
មាត្រ 3 បែប ដែលអាចឱ្យយើងធ្វើការវិនិច្ឆ័យបានពីប្រ-វែងនិងទំហំរបស់វត្ថុដែលយើងមើល។ ប៉ុន្តែភ្នែកតែឯង
មិនអាចមើលឃើញទេ ព្រោះមនុស្សដែលមានមជ្ឈម-ណ្ឌគំហើញក្នុងខួរក្បាលខូចខាត មិនអាចមើលឃើញ-ទេ។ ភ្នែក បញ្ចាំងកាំរស្មីដើម្បីបង្កើតរូបភាពរបស់វត្ថុ។
ប៉ុន្តែភ្នែក នឹងគ្មានប្រយោជន៍ទេ ប្រសិនបើគ្មានខួរក្បាលសម្រាប់បកស្រាយរូបភាពនេះ។

ផលប៉ះពាល់នៃថ្នាំទៅលើប្រព័ន្ធប្រសាទមានដូចតទៅ៖
អាល់កុល : នៅពេលទទួលទានចូល អាល់កុ-លឆ្លងកាត់តាមភ្នាសក្រពះនិងភ្នាសពោះវៀនតូ-ចចូលទៅក្នុងប្រដាប់របត់ឈាម។ អាល់កុល-ពន្យឺតសកម្មភាពមជ្ឈមណ្ឌលប្រសាទ។ ការវិ-
និច្ឆ័យ ការពិចារណា សតិ និងការប្រមូលផ្ដុំអា-
រម្មត្រូវថយចុះ។ ការប្រើប្រាស់អាល់កុលច្រើន-ហួស បំផ្លាញកោសិកាខួរក្បាលនិងថ្លើម។
• កាផេអ៊ីន : បង្កើនល្បឿនសកម្មភាពនៃមជ្ឈម- ណ្ឌលប្រសាទ។ ការផឹកកាផេអ៊ីនច្រើនហួស អាចបង្កើនអត្រាចង្វាក់បេះដូងនិងបណ្ដាលឱ្យ-
រសាប់រសល់ ដំណើរញ័រៗ ដេកមិនលក់។ វាក៏អាចភ្ញោចតម្រងនោមឱ្យផលិតទឹកនោមច្រើន-ដែរ។ កាផេអ៊ីនមាននៅក្នុងកាផែ តែ កូកា និង
ភេសជ្ជៈជាច្រើនទៀត។
• សារធាតុនីកូទីន : មាននៅក្នុងថ្នាំជក់ បារី។
វាបង្កើនការបញ្ចេញអរម៉ូនអេពីណេព្រីន នីកូទី-ន បង្កើនអត្រាចង្វាក់បេះដូង សម្ពាធឈាម អ-ត្រាដង្ហើម និងការបញ្ចេញជាតិអាស៊ីតក្នុង-
ក្រពះ។

បរិមណ្ឌលប្រសាទចែកចេញជា 2 ក្រុមគឺ៖
• ប្រព័ន្ធប្រសាទសូម៉ាទិច : មានណឺរ៉ូនចលករ
ដែលភ្ជាប់មជ្ឈមណ្ឌលប្រសាទទៅនឺងសាច់ដុំ-ឆ្នូតឬសាច់ដុំឆន្ទៈ។
• ប្រព័ន្ធប្រសាទស្វ័យប្រវត្តិ : គឺណឺរ៉ូនរបស់វាធ្វើដំណើរទៅក្រពេញ សាច់ដុំរលីង និងសាច់ដុំ-បេះដូង។ ដំណើរការនេះមិនស្ថិតនៅក្រោមការ-ត្រួតពិនិត្យឆន្ទៈទេ។

ខួរឆ្អឹងខ្នង មាននាទីដូចជា៖
• ភ្ជាប់សរសៃប្រសាទនៃបរិមណ្ឌលប្រសាទទៅនឹងខួរក្បាល។ អាំងភ្លុចចេញពីណឺរ៉ូនវិញ្ញាណនាំ ធ្វើដំណើរឡើងតាមខួរឆ្អឹងខ្នងដោយឆ្លងតាមអន្តរណឺរ៉ូនឆ្ពោះទៅកាន់ខួរក្បាល។អាំងភ្លុចចេញពីខួរក្បាល បញ្ជូនចុះទៅខួរឆ្អឹងខ្នងតាមអន្តរណឺរ៉ូន ឆ្ពោះទៅកាន់ណឺរ៉ូនចលករ។ អាំង-ភ្លុចទាំងនេះធ្វើដំណើរតាមបរិមណ្ឌលប្រសាទទៅកាន់សាច់ដុំនិងក្រពេញ។
• ត្រួតពិនិត្យរ៉េផ្លិចខ្លះៗដែលជាតំណបស្វ័យប្រវត្តិ។

• ការទទួលទានគ្រឿងស្រវឹងច្រើនពេកបណ្ដាលឱ្យមានដំណើរទ្រេតទ្រោតនិងបាត់បង់លំនឹង ពីព្រោះ មានការបាត់បង់ជាបណ្ដោះអាសន្ននូវនាទីរបស់ខួរតូច។