• ទំនាក់ទំនងត្រចៀកក្នុងនិងខួរតូចមាននាទីតំហែរក្សាលំនឹង។ នៅក្នុងត្រចៀកក្នុងមានបំពង់ពាក់កណ្ដាលរង្វង់ចំនួន៣ ដែលពេញដោយសារធាតុរាវខាប់និងមានស្រទាប់កោសិការោមញ័រ។នៅពេលបង្វិលខ្លួនសារធាតុរាវនិងរោមញ័រធ្វើចលនា។ចលនាមេកានិចនៃរោមញ័របំប្លែងទៅជាអាំងភ្លុចប្រសាទ រួចធ្វើដំណើរទៅកាន់ខួរតូចតាមសរសៃប្រសាទសោតវិញ្ញាណ។ ខួរតូច ធ្វើការបកស្រាយទិសដៅ ហើយបញ្ជូនអាំងភ្លុចទៅខួរធំរួចភ្ញោចទៅសាច់ដុំផ្នែកក្បាលនិងកឱ្យរក្សាទីតាំងរបស់ក្បាល។

បានជាក្រដាស់ត្រចៀកញ័រ ពីព្រោះមានកាប្រមូលផ្ដុំរលកសូរក្នុងត្រចៀកក្រៅ ហើយរលកសូរចុះតាមបំពង់សោតវិញ្ញាណទៅកាន់ក្រដាស់ត្រចៀក។

ត្រចៀកក្នុងមានបំពង់ដូចជា៖
• បំពង់រាងគូទខ្យង : ជាសរីរាង្គល្បឺដែលពេញដោយសារធាតុរាវ។ នៅលើភ្នាសខាងក្នុងនៃបំ-ពង់រាងគូទខ្យងមានស្រទាប់កោសិកាធ្មួលដែលមានរោមល្អិតៗ។ កោសិកាធ្មួលទាំងនេះរួសនឹងលំញ័រ។
• បំពង់ពាក់កណ្ដាលរង្វង់ : ជួយឱ្យសារពាង្គកាយរក្សាលំនឹងបាន។ បំពង់នេះមានរាងជារង្វង់បី-ដែលភ្ជាប់គ្នាទៅវិញទៅមកនៅត្រង់មុំកែងនៃ-រង្វង់មួយផ្សេងទៀត។ បំពង់ទាំងនេះពេញដោយ
សារធាតុរាវនិងពាសដោយកោសិកាធ្មួល ដែលមានពន្លយឆ្មារៗដូចសរសៃសក់។

• ត្រចៀកកណ្ដាល គឺជាប្រហោងមួយពេញដោយខ្យល់ដែលចាប់ផ្ដើមនៅត្រង់ក្រដាស់ត្រចៀក។ត្រចៀកកណ្ដាលមានឆ្អឹងតូចៗបី។ឆ្អឹងតូចៗបីតភ្ជាប់គ្នាបង្កើតបានជាស្ពានឆ្លងកាត់ត្រចៀកកណ្ដាល ដែលភ្ជាប់ក្រដាស់ត្រចៀ-កនឹងភ្នាសមួយផ្សេងទៀតគឺបង្អួចរាងពងក្រពើ។ត្រចៀកកណ្ដាលភ្ជាប់ទៅនឹងបំពង់កដោយសារប្រមោយអឺស្តា-ស។ វាមាននាទីធ្វើឱ្យសម្ពាធក្នុងត្រចៀកកណ្ដាលស្មើនឹងសម្ពាធនៃបរិយាកាសខាងក្រៅសារពាង្គកាយ ដើម្បីបង្ការការរហែកក្រដាស់ត្រចៀក។