កត្តាដែលបណ្តាលឱ្យសម័យអង្គររីកចម្រើនដល់កំពូល បណ្តាលមកពី៖
• កត្តាព្រះរាជា៖ ព្រះរាជាចាប់ពីព្រះបាទជ័យវរ័្មនទី២ ដល់ជ័យវរ័្មនទី៧សុទ្ធសឹងជាស្តេចខ្លាំងពូកែ។
• កត្តានយោបាយ៖
– ក្នុងប្រទេស៖ បង្រួបបង្រួមជាតិ
កសាង និងការពារទឹកដី។
– ក្រៅប្រទេស៖ ចងសម្ព័ន្ធមិត្តជាមួយ
ប្រទេសធំៗ និងវាយយករដ្ឋតូចៗដាក់ជា
ចំណុះ។
• កត្តាកត្តាសេដ្ឋកិច្ច៖ រីកចម្រើនលើវិស័យកសិកម្ម សិប្បកម្ម គមនាគមន៍…។
• កត្តាសាសនា៖ មានការឯកភាពគ្នារវាងសាសនាព្រាហ្មណ៍ និងព្រះពុទ្ធ។
• កត្តាធនធានមនុស្ស៖ បន្សល់ទុកតាំងពីសម័យនគរភ្នំ និងសម័យចេនឡាមក។

• ជំនួញនិងទីផ្សារនៅសម័យអង្គរគឺទីផ្សារនៅសម័យអង្គរពុំទាន់មានសំណង់អគារទេគេដាក់លក់ទំនិញនៅតាមរោងខ្ទម និងក្រាលកន្ទេលផ្ទាល់ដីដើម្បីលក់ផលិតផល គេប្រើស្រូវឬអង្ករដើម្បីដោះដូរទំនិញដែលត្រូវលក់ដូរ នៅតាមទីផ្សារទំនិញសំខាន់ៗមានត្រី សាច់ បន្លែ ថូ ស្រា…។

បានជាមនុស្សនៅសម័យអង្គរសុទ្ធសឹងតែខ្លាំងពូកែគឺ ដោយសារធនធានមនុស្សតាំងពីសម័យនគរភ្នំ និងសម័យចេនឡាសុទ្ធសឹងជាមនុស្សខ្លាំងពូកែ ម៉្យាងទៀតខ្មែរនៅសម័យអង្គរជាអ្នកមានទឹកចិត្តអំណត់ ឧស្សាហ៍ព្យាយាម និងខិតខំអភិវឌ្ឍន៍ប្រទេសឱ្យរីកចម្រើន ដូចនេះបានជាព្រះរាជាខ្មែរឱ្យគេឆ្លាក់រឿងកូរសមុទ្រទឹកដោះដែលជានិមិត្តរូបនៃការងារ ការប្រណាំងប្រជែង ការតស៊ូ និងសេចក្តីប្រាថ្នាយ៉ាងមុតមាំរបស់ខ្មែរនៅតាមជញ្ជាំងប្រាសាទ។