នៅក្នុងប្រព័ន្ធព្រះអាទិត្យមាន ព្រះអាទិត្យ ភពទាំង៨ តារារណប ផ្កាយព្រះគ្រោះ និងផ្កាយដុះកម្ទុយ ដែលធ្វើដំណើរជុំវិញដោយសារដែននៃទំនាញ។

ភពផែនដី គឺជាអង្គរមូលមានពណ៏ខៀវ គ្រាបដណ្ដប់ទៅដោយពពកពណ៏ស និងហ៊ុំព័ទ្ធដោយលំហពណ៏ខ្មៅដែលមើលទៅគូរឲ្យស្រស់ស្អាត។ វាគឺជាភបតែមួយគត់ក្នុងប្រព័ន្ធព្រះអាទិត្យ ដែលមានទឹក និងបរិយាកាសសម្បូរដោយអុកស៊ីសែនមានសារៈសំខាន់សម្រាប់ទ្រទ្រង់ជីវិតនានា។

រង្វិលជុំ គឺជាចលនារបស់ផែនដី ធ្វើដំណើរជុំវិញព្រះអាទិត្យ។ ផែនដីធ្វើដំណើរជុំវិញព្រះអាទិត្យមួយជុំ ប្រើរយៈពេលអស់៣៦៥ថ្ងៃ និង៦ម៉ោង ហៅថាមួយឆ្នាំនៅលើភពផែនដី។

អ្ស័ករង្វិលខ្ញាល់ គឺជាខ្សែប្រឌិតមួយកាត់ផ្ចិតរបស់ផែនដីពិជើងទៅត្បូង។ អ្ស័កទ្រេតក្នុងកម្រិតមុំ ២៣ អង្សា២៧ ។

ចលនារង្វិលខ្ញាល់ផែនដីបង្កើតអោយមានឥទ្ធិពលពីរ គឺបង្កើតអោយមានថ្ងៃ និងយប់ និងឥទ្ធិពលកូរីយ៉ូលីស។