បានជាព្រះអាទិតអាចទាញយកភពទាំងឡាយ និងអង្គផ្សេងៗទៀតនៅក្នុងប្រព័ន្ធព្រះអាទិត្យឲ្យស្ថិតនៅក្នុងគន្លងពីព្រោះព្រះអាទិត្យមានម៉ាសធំ គឺស្មើរនិង៩៩.៨%នៃប្រព័ន្ទព្រះអាទិត្យទាំងមូលដែលធ្វើឲ្យព្រះអាទិត្យមានថាមពលខ្លាំងទំនាញក្លា អាចទាញភពទាំងឡាយ និងអង្គផ្សេងៗឲ្យស្ថិតនៅលើក្នុងគន្លង។

ទម្រង់ក្នុងព្រះអាទិត្យមាន ស្នូលព្រះអាទិត្យ តំបន់ភាយរស្មី និងតំបន់រង្វល់។

ក្នុងចំណោមស្រទាប់ទាំងបី នៃស្រទាប់បរិយាកាសព្រះអាទិត្យ ស្រទាប់ដែលមានសីតុណ្ហភាពខ្ពស់ជាងគេគឺ ស្រទាប់កូរ៉ូណា ដែលជាស្រទាប់ក្រៅបង្អស់របស់ព្រះអាទិត្យ។ វាមានសីតុណ្ហភាព១ ៧០០ ០០០អង្សា។

តំបន់រំភាយរស្មី គឺជាតំបន់ហាប់ណែន មានកម្រាស់ប្រហែល៣០០ ០០០km។ ពន្លឺត្រូវប្រើពេលរាប់លានឆ្នាំដើម្បីឆ្លងកាត់តំបន់នេះដោយសារអាតូមទាំងឡាយចងសម្ព័ន្ធគ្នាយ៉ាងណែន។

មណ្ឌលហ្វូតូ គឺជាកន្លែងដែលមានឧស្ម័នក្រាស់ល្មមអាចមើលឃើញបាន។ មណ្ឌលហ្វូតូជាផ្ទៃលើរបស់ព្រះអាទិត្យដែលយើងមើលឃើញវាមានកម្រាស់៦០០km។