• មនុស្សគ្រប់រូបត្រូវការមិត្តភក្តិជាចាំបាច់ ពីព្រោះមនុស្សម្នាក់ៗមិនអាចរស់នៅដោយឯកា ដោយគ្មានទំនាក់ ទំនងជាមួយអ្នកដទៃបានទេ ។ មនុស្សត្រូវការការជួយ ការពឹងពាក់គ្នាទៅវិញទៅមក ទាំងពេលសុខ និងពេលទុក្ខ និង ដើម្បីបំពេញនូវសេចក្តីត្រូវការទាំងផ្លូវកាយ ផ្លូវចិត្ត និងជួយឱ្យមានសន្តិភាពផងដែរ។

លើកឡើងពីរដ្ឋធម្មនុញ្ញមាត្រា ៣៥ និង៣៦ និងអនុសញ្ញាស្តីពីការលុបបំបាត់ចោលរាល់ទម្រង់នៃការរើសអើងនារីភេទមាន៖
– រដ្ឋធម្មនុញ្ញ “ប្រជាពលរដ្ឋខ្មែរទាំងពីរភេទ មានសិទ្ឋិគ្នាចំពោះមុខច្បាប់ មានសិទ្ឋិសេរីភាពចូលរួមយ៉ាងសកម្មក្នុងជីវភាពនយោបាយ សេដ្ឋកិច្ច សង្គមកិច្ចវប្បធម៌របស់ប្រទេសជាតិ”។
– មាត្រា៣៦ “ប្រជាពលរដ្ឋខ្មែរទាំងពីរភេទមានសិទ្ឋិជ្រើសរើសមុខរបរសមស្របតាមសមត្ថភាពទទួលបា្រក់បំណាច់ស្មើគ្នាចំពោះការងារគ្នា”។
– អនុសញ្ញានេះ គឺកាត់បន្ថយការកេងប្រវ័ញ្ច លើកកម្ពស់សមត្ថភាពនិងគោរពសិទ្ឋិស្រ្តី ដោយធានាថាមានឱកាសស្មើគ្នាក្នុងការរស់នៅនិងក្នុងឆាកនយោបាយ លើកស្ទួយមានការចូលរួមបោះឆ្នោត ឈរឈ្មោះឱ្យគេបោះឆ្នោត ទទួលបានការអប់រំ ការថែទាំសុខភាពនិងប្រកបការងារ។ វិធានការនេះត្រូវមានការគោរពច្បាប់ជាក់លាក់ដោយផ្តល់ឱកាសដល់ស្រ្តីដើម្បីទទួលបានការគោរពសិទ្ឋិនិងសេរីភាព។

ក្នុងនាមអ្នកជាយុវជនជំនាន់ក្រោយត្រូវប្រតិបត្តិ ចំពោះស្រ្តីទាំងនៅទីកន្លែងសាធារណៈនិងកន្លែងការងារដូចជា៖
– គោរពស្រឡាញ់ស្រ្តីមិនមើលងាយ
– ផ្តល់តម្លៃតាមរយៈកាយវិការ ពាក្យសម្តី
– លើកទឹកចិត្តមិនបង្អាប់ក្នុងចំណោមមនុស្សច្រើន
– មិនប្រមាទនិងរើសអើងការងារចំពោះស្រ្តី

ដើម្បីលើកកម្ពស់ផ្តល់តម្លៃដល់ស្រ្តីឱ្យបានចូលរួមពេញលេញជាមួយបុរសក្នុងសង្គម៖
– ត្រូវបណ្តុះបណ្តាលវិជ្ជាជីវៈដល់ស្រ្តីឱ្យបានទូលំទូលាយ
– លើកទឹកចិត្តស្រ្តីឱ្យចូលរួមប្រឡូកលើគ្រប់វិស័យដូចជា វិស័យនយោបាយ ការអប់រំ សេដ្ឋកិច្ច
– គ្មានការរើសអើងភេទទាំងក្នុងសហគមន៍និងទីសាធារណៈ