បានជាមនុស្សគ្រប់ៗរូបត្រូវប្រកាន់នូវតួនាទីក្នុងការប្រតិបត្តិសាសនាសម្រាប់ខ្លួនឯងក្នុងការរស់នៅព្រោះ ៖
• ធ្វើឲ្យយើងដឹងច្បាស់ពីតួនាទីរបស់ខ្លួនបានច្បាស់លាស់
• ធ្វើឲ្យមានការគោរពគ្នា មានភាពស្មើគ្នា និងមានទំនួលខុសត្រូវ
• ធ្វើឲ្យមនុស្សម្នាក់ៗចូលរួមដោយការយកចិត្តទុកដាក់
• ធ្វើឲ្យខ្លួនឯងទទួលបានការគោរព គ្រួសារមានភាពរុងរឿង
• មានភាពច្បាស់លាស់ក្នុងការងារ
• ដឹងច្បាស់ពីអ្វីដែលត្រូវធ្វើ
• សាសនាមានភាពរីកចម្រើន
• ធ្វើឲ្យមនុស្សម្នាក់ៗមានភាពរីកចម្រើន និងមានការអភិវឌ្ឍ…..។

ការប្រតិបត្តិចំពោះសាសនាហិណ្ឌូដែលខ្លួនបានគោរពគឺមនុស្សត្រូវមានភាពស្មោះត្រង់ចំពោះអាទិទេព ជឿចំពោះ អាទិទេព ផ្ដោតចិត្តគំនិត បាញ់ឆ្ពោះតម្រង់ទៅរកអាទិទេព តម្រង់ចិត្តចំពោះតែអាទិទេពគ្រប់នាទី ដើម្បីឲ្យអាទិទេពផ្ដល់សេចក្ដីសុខឲ្យតាមប្រាថ្នា ។

ឥទ្ធិពលលទ្ធិព្រាហ្មណ៍បានបង្កើតជាជំនឿផ្សេងៗចាក់ប្ញសយ៉ាងមាំក្នុងសង្គមខ្មែរចិត្តគំនិតខ្មែរ ទំនោរខ្មែរតាំងពីយូរអង្វែងមកហើយរហូតមកដល់បច្ចុប្បន្ន ។

មានដូចជា ៖
ក.ឥទ្ធិពលក្នុងជំនឿ : សុខទុក្ខ អាក្រក់ល្អ កើតឡើងដោយសារទេវតា ទេវៈ អាទិទេពជាអ្នកផ្ដល់ឲ្យ ពិសេសជំនឿលើខ្មោច ព្រាយ បិសាច អារក្ស អ្នកតា។
ខ.ឥទ្ធិពលក្នុងប្រពៃណីទំនៀមទំលាប់ៈ ពិធីបុណ្យទាន រៀបចំធ្វើបាយសី ពិធីមង្គលការ មានការរើសពេលវេលា ក្រុងពាលី ពិធីរៀបសង់ផ្ទះ មានរើសពេលវេលា ពិធីសែនទេវតា ។
គ.ឥទ្ធិពលក្នុងសិល្បៈ មានគំនូរចម្លាក់ ប្រាសាទបុរាណ ។
ឃ.ឥទ្ធិពលក្នុងអក្សរសិល្ប៍ មានជាតួអង្គអច្ឆរិយបុគ្គលដូចជា ទេវតា អាទិទេព ព្រះឥន្ទ ព្រះព្រហ្ម…។

ពីព្រោះសាសនានីមួយៗបានផ្ដល់នូវការទូន្មាន ការណែនាំ ការអប់រំឬការប្រកាន់នូវជំនឿ ផ្សេងៗទៅតាមទស្សននៃការយល់ឃើញ ផ្សេងៗគ្នា តែចង់ឲ្យមនុស្សទទួលបាននូវសេចក្ដីសុខដូចគ្នា ។ ទាំងនេះហើយទើបយើងត្រូវតែយល់ឲ្យបានច្បាស់លាស់ពីការអប់រំក្នុងសាសនានីមួយៗនេះ ។