ផ្សែងដែលភាយតាមគម្រប និងចំពុះកំសៀវគឺជាផ្សែងចំហាយទឹក ហើយពេលដែលមានផ្សែងភាយតាមតាមគម្រប និងចំពុះកំសៀវបែបនេះ គេសម្គាល់ថាទឹកនឹងពុះ។

ក្នុងសម័យទំនើបគេនិយមប្រើសម្ភារៈដែលមានភាពងាយស្រួលនិងទាន់សម័យដែលចម្លងចរន្តអគ្គិសនី។យើងរើសយកសម្ភារៈដែលមានលក្ខណៈចាំបាច់បំផុត ដូចជាឆ្នាំងដាំបាយអគ្គិសនី ឆ្នាំងអ៊ុត ឆ្នាំងអាំងអគ្គិសនី ម៉ាស៊ីនគាបសក់ត្រង់ ឆ្នាំងស៊ុប …………….។

នៅកន្លែងជួសជុលរថយន្ត យើងសង្កេតឃើញសម្ភារៈ ដែលមានលក្ខណៈរូប ដូចជា
• ភាពយឺត
-ពោះវៀនកង់រថយន្ត
-រ៉ឺស័រ
-កៅស៊ូកង
-ពូកកៅអីរថយន្ត
• ភាពហូតជាលួស
-សំបកកង់រថយន្ត
-ខ្សែលួស
-ខ្សែកាប
-ខ្សែភ្លើង
-ខ្សែហ្វ្រាំងឡាន ……….។

លក្ខណៈរបស់លោហៈ ប្លាស្ទិច សរសៃ កែវ និងសេរ៉ាមិច ជារូបធាតុដែលយើងបានជួបប្រទះប្រចាំថ្ងៃនោះមានដូចជា៖
-លក្ខណៈលោហៈមាន ផ្លេកលោហៈ ចម្លងអគ្គិសនីនិងកម្ដៅបានល្អ អាចផែបាន អាចហូតជាលួសបាន។
ឧទាហរណ៍ មាស ប្រាក់ ទង់ដែង។
-លក្ខណៈប្លាស្ទិចមាន ជាផលិតផលបានពីប្រេងកាត ស្រាល គ្មានកំណូតឬមិនពុកផុយ ងាយស្រួលក្នុងការបង្កើតវត្ថុរាងផ្សេងៗ។ឧទាហរណ៍ ដបទឹកសុទ្ធ ថង់ កែវជ័រ។
-លក្ខណៈសរសៃមាន អាចវេញឬត្បាញ អាចជ្រលក់ពណ៌។ឧទាហរណ៍ ក្រម៉ា សំពត់ ខោអាវ។
-លក្ខណៈកែវមាន ថ្លា មិនចម្លងចរន្ដអគ្គិសនី ស្រួយ។ឧទាហរណ៍ ដបទឹកត្រី កែវផឹកទឹក កែវបេស៊ែ។
-លក្ខណៈសេរ៉ាមិចមាន ធ្វើពីដីឥដ្ឋ មិនចម្លងចរន្ដអគ្គិសនីតែចម្លងកម្ដៅបានល្អ រឹងមិនរងកំណូត ចំនុចរលាយខ្ពស់។ឧទាហរណ៍ ចង្ក្រាន ពាងទឹក ដុំឥដ្ឋ។