ឧស្ម័នដែលជួបក្នុងជីវភាពរស់នៅមាន៖
– អុកស៊ីសែន (ក្នុងមន្ទីពេទ្យ)
– អ៊ីដ្រូសែន (ជាងផ្សារដែក)
– កាបូនឌីអុកស៊ីត(ធុងពន្លត់អគ្គីភ័យ)

នៅពេលដែលគេឆាបធ្មេញរណារ សំលៀងកាំបិត ខាត់វត្ថុផ្សេងៗ ប្អូនសង្កេតឃើញមាន កំទេចតូចៗដាច់ចេញ
ពីធ្មេញរណា និងកំទេចដាច់ចេញពីដែកឆាប។

ខ្ញុំបានស្គាល់ឧស្ម័នមួយចំនួន ដូចខាងក្រោម ៖
– អ៊ីដ្រូសែន (H2) មាននៅក្នុងប៉ោងប៉ោង ជាងផ្សារដែក
– អុកស៊ីសែន (O2) មាននៅក្នុងខ្យល់ មន្ទីរពេទ្យ បំពង់ឧស្ម័នជ្រមុជទឹកជ្រៅ
– អាសូត (N2) មាននៅក្នុងបន្លែ ខ្យល់ ជីកសិកម្ម
– កាបូនឌីអុកស៊ីត (CO2) មាននៅក្នុងបំពង់ពន្លត់អគ្គីភ័យ ដង្ហើមចេញមនុស្សសត្វ ផោម ស៊ុតស្អុយ
– កាបូនម៉ូណូអុកស៊ីត (CO) មាននៅក្នុងបំពង់ស៊ីមាំងរថយន្ត(ចំហេះមិនសព្វ) ។

រូបធាតុដែលជាតម្រូវការប្រើប្រាស់នៅក្នុងជីវភាពប្រចាំថ្ងៃមានច្រើន ដូចជា ៖ ឆ្នាំងសាកទូរស័ព្ទ ទឹក ចង្រ្កាន្ត អុកស៊ីសែន ទូរទឹកកក ភេសជ្ជៈ ប៊ិច បន្ទាត់ ខ្មៅដៃ ទឹកលុប…។

រឹង
– រាងច្បាស់លាស់
– មាឌកំណត់ច្បាស់លាស់
– ដង់ស៊ីតេធំ
– មិនអាចហូរបាន
– មិនអាចបណ្ណែនបាន
– ភាគល្អិតរបស់វាតម្រៀបជាប់គ្នាយ៉ាងរឹងមាំ និងមានសណ្តាប់ធ្នាប់ ។

រាវ
– រាងដូចវត្ថុដែលផ្ទុកវា
– មាឌកំណត់ច្បាស់លាស់
– ដង់ស៊ីតេមធ្យម
– អាចហូរបាន
– មិនអាចបណ្ណែនបាន
– ភាគល្អិតរបស់វាតម្រៀបឃ្លាតៗគ្នា គ្មានសណ្តាប់ធ្នាប់ ហើយអាចរមៀលលើគ្នាបាន។

ឧស្ម័ន
– រាងមិនច្បាស់លាស់
– មាឌមិនកំណត់
– ដង់ស៊ីតេតូច
– អាចហូរបាន
– អាចបណ្ណែនបាន
– ភាគល្អិតរបស់វាតម្រៀបឃ្លាតៗគ្នា គ្មានសណ្តាប់ធ្នាប់ ហើយអាចរមៀលលើគ្នាបានដោយសេរី និងអាចហើរបាន។