ភាពផែ មានន័យថា ជាសមត្ថភាពដែលវត្ថុមួយអាចប្ដូររាងទៅជារាងផ្សេងៗ បានដោយមិនបាក់បែក។ ឧទាហរណ៍ ៖ មាសអាចផែបាន ព្រោះវាអាចប្ដូររាងទៅជារាងផ្សេងៗដោយដំវានឹងញញួរ។

ភាពយឺត មានន័យថា ជាសមត្ថភាពដែលវត្ថុនោះអាចត្រឡប់មកភាពដើមវិញក្រោយពេលដែលគេពត់ ឬទាញវា។ ឧទាហរណ៍ ៖ កៅស៊ូកង នៅពេលយើងទាញ វាអាចយារវែងជាងមុន ហើយពេលយើងឈប់ទាញ វាត្រឡប់ទៅភាពដើមវិញ។

លក្ខណៈរូបនៃរូបធាតុមានរបឹង ភាពយឺត ភាពហូតជាលួស ភាពផែបាន ចម្លងកម្ដៅ ចម្លងចរន្តអគ្គិសនី ចំណុចរលាយ និងដង់ស៊ីតេ។

កែវ មានលក្ខណៈដូចជា ៖ • ថ្លា • មិនចម្លងចរន្តអគ្គិសនី • ស្រួយ។

ប្លាស្ទិច មានលក្ខណៈដូចជា ៖ ● ជាផលិតផលបានពីប្រេងកាត ● ស្រាល ● គ្មានកំណូត ឬមិនពុកផុយ ● ងាយស្រួលក្នុងការបង្កើតវត្ថុរាងផ្សេងៗ។