សូចនាករប្រជាសាស្រ្តផ្សេងៗទៀតសម្រាប់វាយតម្លៃទៅ លើវឌ្ឍនភាពសង្គមសេដ្ឋកិច្ចព្រុយណេមាន :
-អត្រាជាតិប្រមាណមាន១.៨៣៩% អត្រាមរណប្រមាណ ០.៣២៨%អត្រាកំណើនប្រជាជន ១.៥១១% (២០០៨)
-អត្រាមរណប្រមាណកុមារ១.២៦៩% លទ្ធភាពបង្កកំណើត ១.៩០% នាក់ស្ត្រី អត្រាអក្ខរភាព អាយុ១៥ឆ្នាំឡើងចេះ អាន និងសរសេរ ។ ៩២.៧%(២០០១)និងសង្ឃឹមរស់ពីកំណើត ៧៥.៥២ឆ្នាំ។ តាមសូចនាករទាំងនេះបង្ហាញថា សង្គមសេដ្ឋកិច្ចព្រុយណេ មានកម្រិតអភិវឌ្ឍខ្ពស់ជាមួយនឹង GDP ខ្ពស់សម្រាប់ម្នាក់ៗ។

ទម្រង់អាយុនៃប្រជាជនព្រុយណេមានដូចជា:
-ក្រុមអាយុពី០-១៤ឆ្នាំ ស្មើនឹង២៧.២%
-ក្រុមអាយុពី១៥-៦៤ឆ្នាំ ស្មើនឹង៦៩.៦%
-ក្រុមអាយុពី៦៥ឆ្នាំ ឡើងស្មើនឹង៣.២%
តាមរយៈតួលេខទាំងអស់នេះ ឃើញថាប្រជាជនព្រុយណេ ស្ថិតក្នុងទម្រង់ក្មេងនៅឡើយ។

ប្រទេសព្រុយណេជាប្រទេសមួយដែលមានប្រជាជនតិច ជាងគេបំផុតនៅអាស៊ីអាគ្នេយ៍។ ដង់ស៊ីតេប្រជាជនមាន ៦៧នាក់/Km2 ជាមធ្យម ។

ប្រជាជនព្រុយណេមានអ្នកកាន់សាសនាអ៊ីស្លាម ៦៧% ពុទ្ធសាសនិក១៣% គ្រឹស្តសាសនិក១០% ផ្សេងៗទៀត រួមទាំងជំនឿម្ចាស់ស្រុកដើម ១០%។

ប្រទេសព្រុយណេទទួលឯករាជ្យនៅឆ្នាំ១៩៨៤គ្រប់គ្រង ដោយព្រះចៅស៊ុលតង់ មានផលិតផលក្នុងស្រុក GDP សម្រាប់មនុស្សម្នាក់ៗខ្ពស់បំផុត នៅអាស៊ីអាគ្នេយ៍បន្ទាប់ពី សិង្ហបុរី ដែលបានមកពីភាពសម្បូរប្រេងកាតនិងឧស្ម័ន ធម្មជាតិ។