ផលអវិជ្ជមានចំពោះការអភិវឌ្ឍតំបន់ទេសចរណ៍នៅក្នុងប្រទេសកម្ពុជាមាន៖
– បាត់បង់ព្រៃឈើ
– បង្កសម្លេងរំខាន់ដល់ប្រជាជនដែលរស់នៅក្បែរនោះ
– កង្វក់បរិស្ថាន កង្វក់ទឹក
– បង្កើនជាតិពុលក្នុងបរិយាកាស
– បន្សល់នូវកាកសំណល់ពាសវាលពាសកាល…។

ទន្ទឹមនឹងនេះ កិច្ចអភិវឌ្ឍនាំមកនូវផលប៉ះពាល់បើមិនច្រើនក៏តិចតួចដែរដោយសារការបាតបង់ព្រៃឈើ ព្រោះការកាប់បំផ្លាញព្រៃឈើក្នុងព្រៃបម្រុងទុកដោយការឈូសឆាយធ្វើផ្លូវថ្នល់ទៅកាន់ទីរមណីយដ្ឋាន សាងសង់អាហារដ្ឋាន កន្លែងទុកដាក់យានជំនិះ បន្ទប់ទឹកសាធារណៈ….។

ដើម្បីរក្សានិរន្តរភាពនៃការអភិវឌ្ឍផ្នែកភោគទ្រព្យទេសចរណ៍របស់ប្រទេស រាជរដ្ឋាភិបាលកម្ពុជាមានវិធានការអនុវត្តដូចជា៖
• អភិរក្សតំបន់សត្វព្រៃ
• ពង្រីកកែច្នៃតំបន់ទេសចរណ៍បន្ថែម
• ថែរក្សាឧទ្យានជាតិ
• អភិរក្សព្រៃឈើ
• រក្សាសន្តិសុខសណ្ដាប់ធ្នាប់ក្នុងសង្គមឲ្យបានល្អ
• ចូលរួមថែរក្សាបរិស្ថានធម្មជាតិ។

បង្ហាញពីតំបន់ទេសចរណ៍ដែលមាននៅក្នុងប្រទេសកម្ពុជា
• តំបន់មាត់សមុទ្រ៖មានខេត្តកែប កំពត ព្រះសីហនុ កោះកុង មានកន្លែងកម្សាន្តដូចជាៈឆ្នេរ សមុទ្រ កោះ ទឹកធ្លាក់ ផ្កាថ្ម ភ្នំ …។
• តបន់ភ្នំនិងខ្ពង់រាបនៃខេត្តកំពង់ស្ពឺ មណ្ឌលគិរី រតនគិរី ក្រចេះ ស្ទឹងត្រែង ព្រះវិហារ មាន៖ភ្នំ ទឹកធ្លាក់កោះខ្សាច់ …។
• តំបន់បឹងទន្លេសាបនៃខេត្តសៀមរាប កំពង់ធំ កំពង់ឆ្នាំង ពោធិ៍សាត់ បាត់ដំបង ប៉ៃលិន ឧត្តរមានជ័យ បន្ទាយមានជ័យមាន៖ប្រាង្គប្រាសាទ ភ្នំ បឹងទន្លេសាប ដែនជម្រកសត្វព្រៃ វាលភក់ ឡូនេសាទ…។
• តំបន់វាលរាបនៃខេត្តកណ្ដាល កំពង់ចាម តាកែវ ព្រៃវែង ស្វាយរៀង និងរាជធានីភ្នំពេញមាន៖ ប្រាសាទ ភ្នំ ទឹកធ្លាក់ទឹកឆា ព្រៃព្រឹក្សា ព្រះបារមរាជវាំង សារមន្ទីរ ទន្លេបួនមុខ…។